U telehramie źjavicca funkcyja Fact Check («Pravierka faktaŭ»), jakaja dazvolić dadavać da pastoŭ udakładniajučyja źviestki. Pra heta napisaŭ telehram-kanał «Kod Durova».
Miesiendžar płanuje supracoŭničać z ahienctvami, jakija zajmajucca pravierkaj infarmacyi. Karystalniki buduć bačyć, jakoje ahienctva praviarała danyja. Ale sami jany nie zmohuć upłyvać na kantent paśla faktčekinhu. Urady krain zmohuć pryznačać ahienctvy, jakija buduć praviarać pasty ŭ telehramie.
U sacsietcy X (były Twitter) jość padobnaja funkcyja. Jana nazyvajecca Community Notes. Pravierku faktaŭ pravodziać sami karystalniki, paśla čaho ałharytm vybiraje samyja karysnyja natatki na asnovie hałasoŭ čytačoŭ.
Kamientary