Tyktok uzarvała videa z «Babaj Jahoj» na biełaruskaj vuzkakalejcy
Karotkaje videa techničnych rabot na adnym z učastkaŭ vuzkakalejnaj čyhunki ŭ Biełarusi nabrała bolš za 1,2 młn prahladaŭ. Usio heta dziakujučy praktyčna «muziejnaj» technicy, jakuju rabočyja nieaficyjna nazyvajuć pamiž saboj «Babaj Jahoj», piša Telegraf.news.
Na videa, apublikavanym u tyktoku adnym z karystalnikaŭ, va ŭsioj krasie pakazany praces ačystki čyhunačnaj kalainy, zarosłaj travoj i zasypanaj torfam.
Pa słovach aŭtara videa, takija płanavyja raboty pravodziacca dva razy na hod. Niaredka puci čyściać uručnuju, z dapamohaj zvyčajnych rydlovak i inšych prystasavańniaŭ, adnak u hetym vypadku na dapamohu rabočym pryjšła sapraŭdnaja «źvier-mašyna», jakaja faktyčna «adkopvaje» kalainu, miechanična vydalajučy z kalainy ŭsiu lišniuju raślinnaść i śmiećcie.
Pa słovach adnaho z kamientataraŭ, hetuju «cuda-mašynu rabaciahi nazyvajuć Babaj Jahoj».
Dzie mienavita było źniata videa, nie ŭdakładniajecca, adnak viadoma, što padobnyja vuzkakalejki dahetul aktyŭna vykarystoŭvajucca na mnohich torfabrykietnych pradpryjemstvach krainy.
Ciapier čytajuć
«Ja jechała ad vajny i bambiožak»: Jaŭhienija Čarniaŭskaja pra pierajezd na Kipr5
Kamientary