Ułady zabrali ziamlu ŭ žycharoŭ Astrašyckaha Haradka ŭzamien na biaspłatnyja kamunikacyi. Ale nie dali ničoha
U 2018 hodzie ŭ Astrašyckim Haradku płanavałasia budaŭnictva taŭnchausaŭ dla šmatdzietnych siemjaŭ. Ale płoščy dla hetaha nie chapała, i tady Minabłvykankam sa zhody siami ziemleŭładalnikaŭ «adrezaŭ» u ich ad 1 da 4 sotak ziamli. Uzamien było abiacana biaspłatna pravieści inžyniernyja sietki: vadu, kanalizacyju i hazapravod. Ale ludzi da hetaha času tak i nie atrymali ŭzamien ničoha.
29 maja na asabisty pryjom da staršyni Minskaha abłvykankama Alaksandra Turčyna pryjšła žycharka Astrašyckaha Haradka Ludmiła Piatroŭna, piša «Minskaja praŭda».
Pa słovach piensijanierki, ziamlu jany addali, ale abiacanyja inžyniernyja kamunikacyi budavać nichto nie śpiašajecca.
Dyrektar UKB Minabłvykankama Mikałaj Paramonaŭ adkazaŭ, što zrabić vadu i kanalizacyju mahčymaść jość, ale tady daviadziecca vieści sietki pa aharodach hramadzian. Što tyčycca hazazabieśpiačeńnia, to žycharam daviadziecca ŭstupić kaapieratyŭ, i tady pytańnie budzie zakrytaje.
Turčyn zahadaŭ vadu i kanalizacyju pravieści sioleta. «Vyrašym i pytańnie z hazazabieśpiačeńniem», — paabiacaŭ jon.
Kamientary
I čamu ja ni kropli nie ździŭleny?)