«Vinavaty pa ŭsich punktach». Prysiažnyja vynieśli vierdykt pa histaryčnaj spravie suprać Trampa
Sudździa vyniesie prysud 11 lipienia.
Prysiažnyja ŭ sudzie Ńju-Jorka pryznali byłoha prezidenta ZŠA Donalda Trampa vinavatym u falsifikacyi dziełavoj dakumientacyi z metaj utojvańnia sumy, vypłačanaj byłoj pornaaktrysie Stormi Denijełs napiaredadni vybaraŭ 2016 hoda, piša Bi-bi-si.
Praces na Manchetenie byŭ histaryčnym — Tramp staŭ pieršym byłym prezidentam, pryznanym vinavatym u kryminalnym złačynstvie. Ahułam jamu byli vystaŭlenyja abvinavačvańni pa 34 punktach. Prysiažnyja pryznali jaho vinavatym pa ŭsich epizodach.
Prysud byłomu prezidentu vyniesie sudździa Chuan Mierčan, jaki staršyniuje na pracesie. Heta adbudziecca 11 lipienia.
Pierad tym, jak pakinuć zału, Mierčan padziakavaŭ prysiažnym za toje, što jany nadali spravie «ŭvahu, jakoj jana zasłuhoŭvaje».
Dla vyśviatleńnia ŭsich padrabiaznaściaŭ spravy ŭ sud byli vyklikanyja šmatlikija śviedki, jakich dapytvali prakurory i advakaty eks-prezidenta.
U aŭtorak sud vysłuchaŭ zaklučnyja arhumienty bakoŭ, a ŭ sieradu Mierčan daŭ prysiažnym Apošnija instrukcyi, i jany adpravilisia abmiarkoŭvać vierdykt. Dla abvinavaŭčaha abo apraŭdalnaha prysudu byŭ nieabchodny adnahałosny vierdykt usioj Kalehii prysiažnych.
Paśla vychadu z zały pasiadžeńniaŭ Donald Tramp daŭ karotki kamientar žurnalistam i skazaŭ, što «heta daloka nie kaniec».
«My budziem praciahvać zmahacca, my budziem zmahacca da kanca i my pieramožam, bo naša kraina pieratvaryłasia ŭ piekła, — skazaŭ jon. — U nas bolš niama raniejšaj krainy, u nas bardak».
Były prezident taksama znoŭ abrynuŭsia na dziejnuju administracyju ZŠA, jakuju jon vinavaciŭ u svaim pieraśledzie.
«Heta było zroblena administracyjaj Bajdena, kab paranić i naškodzić apanientu, palityčnamu supierniku», — dadaŭ jon.
Kamanda Džo Bajdena, kamientujučy vierdykt prysiažnych, zajaviła, što «nichto nie staić vyšej za zakon».
«Donald Tramp zaŭsiody pamyłkova ličyŭ, što jon nikoli nie sutykniecca z nastupstvami parušeńnia zakona dziela svajoj asabistaj vyhady. […] Jość tolki adzin sposab nie dapuścić Donalda Trampa ŭ Avalny kabiniet: skrynia dla hałasavańnia», — havorycca ŭ zajavie pres-sakratara pieradvybarnaj kampanii Bajdena Majkła Tajlera.
Jurydyčnaja kamanda Trampa pakul nie płanuje rabić aficyjnuju zajavu z nahody vierdyktu.
Donalda Trampa abvinavačvali ŭ falsifikacyi dziełavoj dakumientacyi, na padstavie jakoj ažyćciaŭlałasia vypłata 130 tysiač dalaraŭ Stormi Denijełs napiaredadni prezidenckich vybaraŭ 2016 hoda.
Denijełs śćviardžała, što ŭ ich z Trampam byŭ seks u 2006 hodzie, i były advakat prezidenta Majkł Koen zapłaciŭ joj, kab jana maŭčała pra heta.
Abvinavačvańnie śćviardžaje, što Tramp sfalsifikavaŭ dakumientacyju, kali kampiensavaŭ Koenu vydatkavanyja hrošy, aformiŭšy heta jak apłatu jurydyčnych pasłuh.
Tramp nie pryznaŭ vinu ni pa adnym z 34 punktaŭ abvinavačvańnia, a taksama admaŭlaŭ toj fakt, što ŭ jaho byŭ seks z Denijełs.
U aŭtorak baki abvinavačvańnia i abarony vystupili z zaklučnymi arhumientami, pasprabavaŭšy pierakanać prysiažnych u vinavataści abo nievinavataści byłoha prezidenta.
Kiraŭnik jurydyčnaj kamandy Trampa Tod Błanš zajaviŭ, što jaho klijent staŭ achviaraj šantažu z boku pornaaktrysy, a taksama pasprabavaŭ pastavić pad sumnieŭ pakazańni śviedak abvinavačvańnia, hałoŭnym čynam Majkła Koena, jakoha jon nazvaŭ «najvialikšym chłusam usich časoŭ».
Błanš zajaviŭ, što Tramp nievinavaty, a prakuratura nie zmahła ničoha dakazać.
Prakuror Džošua Stejnhłas padčas svajho vystupu zapiarečyŭ advakatam eks-prezidenta, što akramia pakazańniaŭ Majkła Koena ŭ spravie isnuje «hara dokazaŭ», jakija paćviardžajuć vinu Trampa.
«Jany chočuć zrabić hetuju spravu pra Majkła Koena», skazaŭ jon. — Heta sprava pra Donalda Trampa i pra toje, ci pavinien jon nieści adkaznaść za ŭniasieńnie iłžyvych zapisaŭ u svaju dziełavuju dakumientacyju i pra toje, ci rabiŭ jon heta, kab schavać parušeńni na vybarach».
Mienavita toje, što Tramp ździejśniŭ adno złačynstva, kab schavać inšaje – i było hałoŭnym tezisam abvinavačvańnia na čale z akruhovym prakuroram Manchetena Ełvinam Breham, jaki vystaviŭ abvinavačvańni eks-prezidentu letaś.
Kamientary
Niahiehły Bajdien tolki słoŭny seks viedaje.
... mazhi dobra, a spravy na 0.
Heta favaryt u amerykanskich vybarcaŭ ))) Supiernik taksama ni ajs jak zaraz tiktok pakaleńnie kaža))) Amieryka forevar