Damovilisia nakont nafty: kampramis, vyhadny Rasii abnoŭlena 24

Biełaruś i Rasija padpisali dakumienty ab pastaŭkach nafty. Pieramovy dvuch vice-premjeraŭ — Uładzimira Siamaški z boku Biełarusi i Ihara Siečyna z boku Rasii — skončanyja.

Abjom biazmytnych pastavak dla Biełarusi składzie 6,3 miljona ton štohod.

Astatniuju častku pastavak kraina atrymaje pa rynkavych cenach, vypłačvajučy 100% myta. Praŭda, Siamaška vybiŭ jašče adnu źnižku. Nafta, jakaja budzie pastaŭlenaja na biełaruskija naftapierapracoŭčyja zavody, a paśla ekspartavanaja nazad u Rasiju ŭ vyhladzie naftapraduktaŭ, taksama nie budzie abkładacca mytam.

Taryf na tranzit rasijskaj nafty praz terytoryju Biełarusi pavialičany zusim niaznačna, usiaho na 11%.

Kali taki taryf prytrymajecca da kanca hodu, Rasija budzie vymušana dapłacić usiaho kala $35 miljonaŭ.

Ale ŭžo ŭ kastryčniku naša kraina atrymaje mahčymaść pavialičyć taryf jašče raz.

Biełaruś budzie vymušana abnulić ekspartnaje myta na naftapradukty. Raniej jano była roŭnaje rasijskamu ekspartnamu mytu.

Biełaruski vice-premjer Uładzimir Siamaška ŭpeŭnieny, što damoŭlenaści pra pastaŭki nafty pratrymajucca niadoŭha. «Užo ŭ siaredzinie hoda pry stvareńni supolnaj mytnaj terytoryi myty i kvoty akažucca nonsiensam», — rastłumačyŭ jon. Na jaho dumku, heta pavinna razumieć i Rasija.

Stała zrazumieła, što chavałasia za raniejšaj prapanovaj Siamaški. Vice-premjer Biełarusi chacieŭ spačatku atrymać uvieś pamier biazmytnaj nafty (jaje chapiła b da traŭnia). Takim čynam, Biełaruś karystałasia b biaspłatnaj naftaj paŭhodu zhodna z damoŭlenaściu, a paśla biaspłatnyja ŭmovy byli zaćvierdžanyja praviłami supolnaj mytnaj prastory. Adnak mnohija ekśpierty miarkujuć, što hetyja spadziavańni Minsku iluzornyja, i Rasija nie admovicca ad prybytkaŭ.

Siamaška taksama paviedamiŭ, što

vice-premjer Rasii Ihar Siečyn na nastupnym tydni naviedaje Biełaruś dla abmierkavańnia raźvićcia supracoŭnictva ŭ enierhietyčnaj śfiery.

Ź jahonych słovaŭ, baki zaklučać pahadnieńni ab «doŭhaterminovym supracoŭnictvie ŭ hazavaj śfiery, elektraenierhietycy, ab budaŭnictvie atamnaj elektrastancyi ŭ Biełarusi».

Rasija dabivajecca poŭnaha i stratehičnaha kantrolu nad enerhietykaj Biełarusi. Zaklučanyja ŭ Maskvie pahadnieńni jašče macniej pryviazvajuć Biełaruś da rasijskich krynicaŭ enerhanośbitaŭ.

U pryvatnaści, na heta skiravana damoŭlenaść, što nafta, jakaja budzie pastaŭlenaja na biełaruskija naftapierapracoŭčyja zavody, a paśla ekspartavanaja nazad u Rasiju ŭ vyhladzie naftapraduktaŭ, taksama nie budzie abkładacca mytam. Takim čynam skarocicca biełaruski ekspart u ES i vyraście — na ŭschod.

U vypadku pabudovy AES Rasijaj zaležnaść stanie tatalnaj i ŭ elektraenerhietycy.

Jahor Marcinovič, Siarhiej Hiezhała

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH