Chłopiec z pakručastym losam pajechaŭ vajavać za Rasiju. Pa viartańni jamu dali try z pałovaj hady kałonii
Viadoma, nie za najmictva. Prosta Dźmitryj Macias lubić katacca na čužych aŭtamabilach.
Dźmitryju Maciasu 26 hadoŭ. Jon rodam ź vioski Šunieŭcy Hłybockaha rajona.
Macias, jak kažuć, biadovy — try sudzimaści za pjany ŭhon aŭto, bolš za 20 administratyvak za pjanki. Pryčym kraści aŭto chłopiec pačaŭ, kali jamu było 19 hadoŭ.
U lutym 2017 hoda jon skraŭ aŭto ŭ viaskoŭca i atrymaŭ za heta try miesiacy aryštu. Amal adrazu pa adbyćci pakarańnia jon znoŭku napadpitku ŭziaŭ pakatacca čužuju mašynu. Za heta jamu dali dva hady kałonii i pazbavili prava kiravańnia na piać hadoŭ.
Pa vychadzie Macias uziaŭsia za staroje. U lipieni 2019-ha znoŭku skraŭ čužoje aŭto — i znoŭ, naturalna, pjany. Za heta jaho pakarali tryma z pałovaj hadami kałonii.
Chłopiec vyzvaliŭsia naprykancy 2022-ha. I nie prydumaŭ ničoha lepšaha, čym pajechać vajavać u PVK «Vahnier», kab zarabić hrošy.
Čas jahonaj słužby nieviadomy, ale heta adbyłosia nie raniej za luty 2023-ha, i, padobna, jon šmat piŭ — na sudzie (PDF) Macias nie zdoleŭ nazvać navat datu, kali pajechaŭ vajavać.
Pa viartańni z vajny jon pryjechaŭ žyć da siabroŭ, choć i byŭ u vyšuku za ŭchileńnie ad previentyŭnaha nahladu. Zrešty, jaho asabliva nie šukali, tamu žyŭ spakojna.
Ale i tut nakasiačyŭ — siarod nočy skraŭ mašynu maci siabra, kab pajechać na niejkuju sustreču. U kastryčniku 2023-ha Maciasu dali jašče try z pałovaj hady kałonii. Ciapier jon adbyvaje pakarańnie.
Hetaja publikacyja zroblenaja z dapamohaj Digital Intelligence Team. Heta OSINT-prajekt, jaki supracoŭničaje z Kibierpartyzanami i inšymi prademakratyčnymi strukturami dy prajektami, jakija padzialajuć demakratyčnyja kaštoŭnaści.
«Naša Niva» — bastyjon biełaruščyny
PADTRYMAĆ
Ciapier čytajuć
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary