Havorka idzie pra sapraŭdnaje lecišča, praŭda, vielmi maleńkaje. Na šaści sotkach ziamli raźmieščany domik piaščotna-błakitnaha koleru płoščaj usiaho 7,2 «kvadrata». Znajści hety cud (zarosły travoj i kustami) možna ŭ sadavodčym tavarystvie «Sadoŭnik» horada Horki (ad Minska 280 kiłamietraŭ, zatoje z Mahilova možna dabracca za hadzinu). Učastak znachodzicca ŭ samym centry ST, tamu susiedzi jość z usich bakoŭ.
Domik z učastkam trapiŭ na aŭkcyjon (uładalnik — daŭžnik), abjava apublikavana na sajcie «Bielurzabieśpiačeńnie». Zajaŭki na ŭdzieł u tarhach buduć prymać jašče 20 dzion.
Sam aŭkcyjon, kali źjaviacca achvotnyja na łot, adbudziecca 2 lipienia ŭ 09:00. Pačatkovy košt majomaści — usiaho 652 rubli (zadatak roŭny 65,20 rubla).
Kali achvotnych budzie niekalki, to košt uźlacić. A voś kali pretendavać na lecišča budzie ŭsiaho adzin čałaviek, to łot dastaniecca jamu pa pačatkovaj canie plus 5%, heta značyć zapłacić treba budzie 686 rubloŭ. Pa-raniejšamu vyhadnaja ździełka.
Čytajcie taksama:
Nazvanaja samaja darahaja kvatera ŭ Minsku, nabytaja ŭ mai. Heta pientchaus u elitnym rajonie
U Minsku pradajecca 3-paviarchovaja kvatera ŭ taŭnchausie. Kolki chočuć za jaje?
U Minsku pradajecca kvatera z ułasnym kinateatram. Na jaje ŭžo prapanujuć źnižku 50 tysiač dalaraŭ
