Čatyroch małaletnich dziaciej zabrali ŭ baćkoŭ u Ivanavie, bo tyja prajhravali ŭ anłajn-kazino
Baćki čatyroch małaletnich dziaciej ź Ivanava Bresckaj vobłaści na praciahu jak minimum dvuch apošnich hadoŭ prajhravali hrošy ŭ anłajn-dadatkach, u vyniku čaho na žyćcio srodkaŭ nie zastavałasia.
Prakuratura źmiaściła dziaciej u sacyjalny prytułak, a baćkoŭ abmiežavała ŭ naviedvańni hulniavych ustanoŭ, u tym liku virtualnych.
Baćki dziaciej prajhravali litaralna ŭsie hrošy ŭ anłajn-hulniach. Akramia taho, jany ŭziali piać kredytaŭ u roznych bankach na sumu bolš za 30 tysiač rubloŭ, jakija taksama prajhrali.
Paviedamlajecca, što jany zrabili 12 tysiač hulniavych apieracyj z roznymi sumami stavak ad 40 kapiejek da 200 rubloŭ.
U vyniku dziaciej zabrali ź siamji i źmiaścili pad dziaržaŭnuju abaronu — u sacyjalny prytułak. Sud Ivanaŭskaha rajona abmiežavaŭ muža i žonku ŭ naviedvańni ihralnych ustanoŭ i ŭdziele ŭ azartnych hulniach na try hady.
Taksama ich uklučyli ŭ pieralik asob, jakich zabaroniena dapuskać u ihralnyja ŭstanovy, u tym liku virtualnyja, a taksama da ŭdziełu ŭ azartnych hulniach.
Ciapier čytajuć
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany1
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary