Dziaŭčyncy z Hrodna, jakaja ŭpała z vośmaha paviercha, zrabili ŭnikalnuju apieracyju
Biełaruskija daktary praviali apieracyju na paškodžanym chrybietniku. Bolš jaje žyćciu ničoha nie pahražaje.
«Kali stała jasna, što žyćcio junaj pacyjentki pa-za niebiaśpiekaj, adnym z etapaŭ dapamohi stała ŭstanoŭka śpiecyjalnaj stabilizujučaj kanstrukcyi na paškodžanym chrybietniku», — paviedamiŭ telehram-kanał «Zdravoochranienije Hrodnienŝiny».
Dla hetaha ŭ abłasnuju dziciačuju balnicu prybyli śpiecyjalisty staličnaha RNPC traŭmatałohii i artapiedyi: viadučyja navukovyja supracoŭniki łabaratoryi paškodžańniaŭ i zachvorvańniaŭ pazvanočnika i śpinnoha mozhu. Jany i praviali apieracyju maleńkaj pacyjentcy.
Paviedamleńni, što dzicia vypała z akna kvatery na vośmym paviersie šmatkvaternaha doma ŭ Hrodnie, źjavilisia 6 maja. U momant trahiedyi jano znachodziłasia biez nahladu baćkoŭ.
Kamientary