Queen pradaŭ svoj muzyčny katałoh za $1,27 miljarda — heta rekordnyja hrošy ŭ muzyčnaj śfiery
Katałoh Queen ličycca adnym z samych kaštoŭnych u śviecie rok-muzyki.
Hurt Queen zaklučyŭ rekordnuju na muzyčnym rynku ŭhodu z kampanijaj Sony Music. Jana pradała ŭvieś svoj muzyčny katałoh za £1 młrd (1,27 młrd), paviedamiŭ Forbes sa spasyłkaj na vydańnie Variety.
Katałoh Queen ličycca adnym z samych kaštoŭnych u śviecie rok-muzyki. Pryčym Sony Music nabyła nie tolki katałoh, ale i ŭsie pravy na vytvorčaść lubych tavaraŭ z atrybutykaj Queen. Adzinaje, što muzyki pakinuli za saboj, heta dachody ad hastrolnaj dziejnaści.
U pradadzieny katałoh uvachodziać takija raskručanyja kampazicyi, jak Bohemian Rhapsody, Another One Bites The Dust, Radio Ga Ga, Somebody to Love i You're My Best Friend, a taksama We Will Rock You i We Are The Champions.
Lidar hurta Fredzi Merkjury pamior u 1991 hodzie. Tym nie mienš da hetaha času zasnavalniki Queen Brajan Mej i Rodžer Tejłar hastralujuć razam sa śpievakom Adamam Łambiertam.
Kamientary