Biełarus Mikita Badziakoŭski padniaŭsia na piaty radok rejtynhu hulcoŭ pa sukupnych pryzavych za ŭsiu karjeru ŭ «žyvym» pokiery, jaki składajecca partałam thehendonmob.com, piša sajt «Biełaruś i śviet».
Naš suajčyńnik u vyniku šmathadovaha, pačynajučy z 2010 hoda, paśpiachovaha ŭdziełu ŭ turnirach z bujnymi staŭkami pakłaŭ u skarbonku svaich dasiahnieńniaŭ 55 284 583 dalary.
Jaho apiaredžvajuć amierykancy Bryn Kieni (1 miesca, 66,4 młn), Džaścin Banoma (2 miesca, 64,1 młn) i Džejsan Kun (4 miesca, 58 młn), a taksama brytaniec Styvien Čydvik (3 miesca, 58,9 młn).
Zzadu ž biełarusa apynulisia, naprykład, takija hrandy pokiera, jak Den Śmit (ZŠA), Daniel Niehreanu (Kanada), Ajziek Chekstan (ZŠA), Adryjan Mateas (Ispanija), Eryk Zajdel (ZŠA).
Miarkujučy pa statystycy partała, za karjeru ŭ «žyvym» pokiery Badziakoŭski ŭziaŭ na turnirach 21 pieršaje miesca, 15 druhich, 12 trecich, 12 čaćviortych, 14 piatych, 8 šostych, 7 siomych i hetak dalej.
Samym bujnym razavym jahonym vyjhryšam stali 7 114 500 dalaraŭ, atrymanyja ŭ śniežni 2023 hoda paśla pieramohi ŭ turniry $1 Million Buy-In WPT Big One for One Drop.
Hety rejtynh tyčycca mienavita «žyvoha» pokiera, choć u im uličanyja i vyniki bujnych turniraŭ, jakija vymušana pravodzilisia anłajn u 2020-2021 hadach z-za karanavirusa.
20 «analitykam Cichanoŭskaj» prysudzili hihanckija zavočnyja terminy. Bolš za ŭsich — Dabravolskamu8
20 «analitykam Cichanoŭskaj» prysudzili hihanckija zavočnyja terminy. Bolš za ŭsich — Dabravolskamu
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka29
Rasijski vajskoviec płanavaŭ uzarvać budaŭničuju kramu ŭ Paryžy. Ale padarvaŭsia na ŭłasnaj vybuchoŭcy1
«Samy cymus»: historyk napisaŭ knihu pra toje, jak abaranki skaryli Amieryku, a draniki stali i jaŭrejskaj stravaj 12
Kamientary