I vykazałasia ab mahčymaści vyzvaleńnia Biełarusi vojskami NATA.
Niekalki miesiacaŭ tamu Zianon Paźniak dastatkova rezka vykazaŭsia na prapanovu hałoŭnaj redaktarki sajtu «Chartyja 97» Natalli Radzinaj ukrainskamu boku bambić biełaruskija NPZ. Tady palityk paraiŭ Radzinaj nie leźci ŭ palityku.
U novym vypusku videaprajektu «Śviedki Łukašenki» na «Radyjo Svaboda» Radzinu paprasili prakamientavać hetyja słovy Paźniaka. Na heta jana adkazała:
«Što mnie kamientavać. Čałavieku 80 hadoŭ. Davaj, darečy, pavinšujem».
Radzina adznačyła, što nie bačyć nijakaj dylemy pamiž žurnalistykaj i palitykaj.
«Ja pracuju žurnalistam, vykazvaju svajo mierkavańnie. Maju na heta prava».
Radzina raskazała, što niadaŭna viarnułasia z Brusela, dzie raskazvała pra situacyju palitźniavolenych u biełaruskich turmach.
«Što heta — žurnalistyka ci palityka? Usio, što ja kažu, heta fakty.
Ja maju prava jak hramadzianka Biełarusi zaklikać da dziejsnych mieraŭ u adnosinach da majoj krainy, da dziejnaha režymu. Tamu što treba spynić jaho, vyratavać ludziej. Ja liču, što heta rabić — moj hramadzianski abaviazak. Mnie ŭsio roŭna, jak vy heta nazaviacie — žurnalistykaj, palitykaj, aktyvizmam».
Paźniej hałoŭnaja redaktarka «Chartyi» zaŭvažyła, što ciapier nichto nie moža nazvać scenar dla vyzvaleńnia Biełarusi. Pakul idzie vajna, to šmat chto havoryć pra siłavy scenar. Ale nichto nie moža skazać, jak heta budzie adbyvacca.
«Łukašenka kazaŭ, što budzie vyzvaleńnie Biełarusi vojskami NATA. Moža, jon niešta bolš viedaje, maje racyju», — zaŭvažyła Radzina i dadała, što va ŭmovach vajny ŭsio mahčyma.
Pa słovach Radzinaj, joj by chaciełasia, kab byŭ niejki nie siłavy scenar. Ale nieviadoma, ci atrymajecca heta zrabić va ŭmovach vajny.
«Ja viedaju adno — Biełaruś pavinna być vyzvalena i ad režymu Łukašenki, i ad rasijskaha ŭpłyvu».
Siłaviki razhramili M1 — samaje papularnaje ŭ rasijan biełaruskaje kazino7
Siłaviki razhramili M1 — samaje papularnaje ŭ rasijan biełaruskaje kazino
«Heta pytańnie času, ale treba saśpieć». Pucin znoŭ zahavaryŭ pra adziny parłamient i valutu Biełarusi i Rasii6
Žurnalistka BT aburyłasia navinoj pra siabie: Heta była maja pieršaja samastojnaja pajezdka ŭ Jeŭropu16
Ci možna sarvać jabłyki z susiedskaha dreva, kali halina źvisaje nad vašym učastkam? Adkaz vas ździvić5
Kamientary