Paźniak: Biełaruskim patryjotam treba iści ŭ połk Kalinoŭskaha. Kab mnie było nie 80, ja b taksama pajšoŭ
Napiaredadni Dnia Voli ŭ Biełaruskim domie ŭ Varšavie prajšła lekcyja Zianona Paźniaka «106-ja hadavina niezaležnaści BNR. Histaryčnaja rola i značeńnie».
Lidar ruchu «Volnaja Biełaruś» Zianon Paźniak skončyŭ histaryčny ekskurs prahnozam, što praz režym Łukašenki i Pucina nas jašče, na žal, čakajuć achviary i ciažkaści. Ale, na dumku palityka, urešcie biełarusaŭ čakaje śvietłaja budučynia:
«Usio adrodzicca, ale ŭžo adrodzicca naviečna. Tamu što naša nacyja, prajšoŭšy praz hetaje panižeńnie, hetuju dzikaść, majučy takuju historyju, historyju takoj baraćby, historyju našaj kultury, historyju takoj dziaržavy, užo nikoli nie zahinie. Budučynia naša budzie pryŭkrasnaja. Budźma aptymistami! Vierma ŭ heta ŭsie i starajemsia dapamahać. I chaj Dzień voli budzie našym ideałam!»
Paśla mierapryjemstva «Naša Niva» zmahła zadać palityku adno pytańnie: što ŭsio ž kankretna lepiej rabić nieabyjakavym biełarusam dla hetaha adradžeńnia va ŭmovach niaścichnych represij i vajny va Ukrainie, a taksama pieramohi Pucina na vybarach u Rasii.
«Biełaruskim patryjotam, kali jany mužčyny i ŭ ich jość zdaroŭje, treba iści ŭ połk Kalinoŭskaha. Treba zmahacca, vučycca stralać. Idzie suśvietnaja vajna. Treba stvarać biełaruskuju vyzvolnuju armiju. Voś što treba, kali jość zdaroŭje i maładość. Mnie 80 hadoŭ (Zianon Paźniak adznačyć 80-hodździe 24 krasavika — «NN»), kab było nie 80, ja b, moža, pajšoŭ taksama. Ja b i ciapier pajšoŭ, ale mianie nie prymuć», — prakamientavaŭ palityk.
Čytajcie taksama:
Raspaviadajem, jak dakazvajuć udzieł biełarusaŭ u pratestach i jak źmienšyć ryzyku
Što viadoma pra dyrektarku Liceja BDU, jakaja prapanavała pieranazvać jaho ŭ imia Fieliksa Dziaržynskaha
-
Łukašenka na pieramovach u Amanie ŭstaviŭ takoje słova, što pierakładčyca na arabskuju razhubiłasia
-
U Lidzie pabralisia šlubam 15‑hadovyja chłopiec i dziaŭčyna. Samaj maładoj mamie Hrodzienščyny taksama 15
-
«U płanie byli jašče niekalki krain». Maršrut Łukašenki składali tak, kab nie nadta biła pa zdaroŭi
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary