«Hibryd zazdraŭnaha malebnu i zaŭpakojnaj licii». Da 3 lipienia BPC skłała słužbu, supiarečnuju kanonam i zdarovamu sensu
Tekst razasłali pa ŭsich prychodach i abaviazali adsłužyć u Dzień niezaležnaści.
U Biełaruskaj pravasłaŭnaj carkvie śpiecyjalna da 3 lipienia skłali asablivuju słužbu. Jaje tekst razasłali ŭ prychody, śviataroŭ abaviazali adsłužyć jaje paśla liturhii.
U BPC upieršyniu stvaryli asobnuju słužbu pad zadačy nabaženna-liturhičnaha absłuhoŭvańnia ideałahičnaha dziaržaŭnaha mierapryjemstva. Raniej Carkva abychodziłasia ŭžo najaŭnymi malitvami, krychu adaptujučy ich pad niejkuju padzieju, piša «Chryścijanskaja vizija».
Vynik atrymaŭsia, jak adznačajecca, unikalny — hibryd zazdraŭnaha malebnu i paminalnaj licii. Malebny i licii zaŭsiody słužacca asobna, spałučeńnie takich słužbaŭ u adnoj — heta liturhičny i sensavy nonsens. Adnak składalnikaŭ śpiecyjalnaj słužby da 3 lipienia heta nie spyniła.
U novaj słužbie pad vokličam, ź jakoha pačynajecca kłasičny padziačny malebien, jahonyja trapary, prašeńni i jevanhielskaje čytańnie abjadnoŭvajucca ź licijnymi traparami i paminalnaj jekciańnioj, paśla zakančeńnia jakoj čytajecca śpiecyjalnaja malitva z udziačnaściu «za zbavieńnie Ajčyny ad voraha lutaha», a zatym zapar hučać vokličy «Viečnaja pamiać» i «Mnohaja leta».
«Kali b niešta padobnaje samavolna zrabiŭ na prychodzie luby śviatar, to baciušku-ekśpierymientatara abaviazkova čakaŭ by vyklik «na dyvan» u dyjaceziju i jak minimum — hutarka pra niedapuščalnaść parušeńnia statuta. Z napaminam ab zachavańni śviatarskaj prysiahi», — adznačaje kanał.
Kačanava zvadziła Maćvijenku ŭ Spasa-Jeŭfrasińnieŭski žanočy manastyr u Połacku FOTY
Asudžany va Ukrainie mitrapalit RPC vyzvaliŭsia i abjaviŭsia ŭ Biełarusi
Duchoŭnik Łukašenki, jaki žyvie napoŭnicu. Što viadoma pra dom, kvatery i mašyny ajca Fiodara Poŭnaha
Siłaviki z troch uschodnich abłaściej užo pamalilisia pierad kapsułaj ź ziamloj. Inšyja na čarzie
Łukašenku stała drenna na samicie ŠAS u Kazachstanie — Dožd́20
Kamientary