Vonkavuju rekłamu ciapier treba budzie ŭzhadniać u dvuch vykankamach
Spačatku — na miascovym uzroŭni, a zatym — na abłasnym.
Urad vypuściŭ pastanovu ab paradku ŭzhadnieńnia vonkavaj rekłamy i rekłamy na transpartnych srodkach.
Dla ŭzhadnieńnia vonkavaj rekłamy i rekłamy na transpartnym srodku rekłamadaviec asabista abo praz svajho pradstaŭnika pavinien budzie pradstavić u miascovy vykankam zajavu ab uzhadnieńni vonkavaj rekłamy abo rekłamy na transpartnym srodku i inšyja dakumienty, piša BiełTA.
Haradski (horada abłasnoha padparadkavańnia) abo rajonny vykankam na praciahu troch dzion pavinien budzie razhledzieć zajavu i inšyja dakumienty i nakiravać u abłasny vykankam zapyt ab uzhadnieńni vonkavaj rekłamy, da jakoha prykładaje kopii zajavy, makieta vonkavaj rekłamy abo rolika, inšych dakumientaŭ abo źviestak, a taksama zaklučeńnie ab adpaviednaści hetaj vonkavaj rekłamy patrabavańniam zakanadaŭstva ab rekłamie.
Abłasny vykankam na praciahu siami dzion nakiroŭvaje ŭ rajvykankam albo ŭzhadnieńnie, albo matyvavanaja admova va ŭzhadnieńni rekłamy.
Rašeńnie ab admovie va ŭzhadnieńni vonkavaj rekłamy i rekłamy na transpartnym srodku moža być pryniata, kali vonkavaja rekłama i rekłama na transpartnym srodku nie adpaviadajuć patrabavańniam zakanadaŭstva ab rekłamie abo supraćdziejańni ekstremizmu abo nie ŭzhodnienyja abłasnym vykanaŭčym kamitetam
Akramia taho, dla raźmiaščeńnia rekłamy lekavych srodkaŭ i miedtechniki, rekłamadaŭcam nieabchodna budzie pradstavić u Centr ekśpiertyz i vyprabavańniaŭ u achovie zdaroŭja zajavu i inšyja praduhledžanyja zakanadaŭstvam ab administracyjnych pracedurach dakumienty.
Kamientary