Chutka pačniecca sud nad žonkaj palitviaźnia, zatrymanaj u studzieni padčas rejdu za salidarnaść z palitźniavolenymi
U Mahilovie 22 lipienia pačniecca sud nad palitźniavolenaj Alesiaj Siarhiejenkaj — žonkaj byłoha palitviaźnia Maksima Siarhiejenki, jaki vyjšaŭ na volu ŭ lutym 2024 hoda. U siamji dvoje dziaciej, jakim try i 16 hadoŭ.
Palitźniavolenuju zatrymali 25 studzienia 2024 hoda padčas rejdu KDB za praduktovuju dapamohu ad inicyjatyvy INeedHelpBY. Pa infarmacyi pravaabaroncaŭ, heta ŭžo treci sud nad zatrymanymi padčas studzieńskaha rejdu KDB, piša «Viasna».
Jaje abvinavačvajuć pavodle č. 1 i č. 2 art. 361-4 Kryminalnaha kodeksa (sadziejničańnie ekstremisckaj dziejnaści). Sud nad žančynaj raspačniecca 22 lipienia ŭ Mahiloŭskim abłasnym sudzie. Praces budzie vieści sudździa Iryna Łančava.
Nahadajem, padčas masavaha rejdu siłavikoŭ naprykancy studzienia pad pieraśled trapili bolš za 300 čałaviek, bolšaść ź jakich — žančyny. Adnoj z pryčyn pieratrusaŭ, dopytaŭ i zatrymańniaŭ stała dapamoha siemjam palitviaźniaŭ z praduktovymi pieradačami praź Je-dastaŭku ad inicyjatyvy INeedHelpBY, jakuju ŭłady pryznali «ekstremisckim farmavańniem».
Z pačatku lutaha ludziej pa ŭsioj Biełarusi pačali masava sudzić za «vykarystańnie zamiežnaj dapamohi dla ažyćciaŭleńnia ekstremisckaj dziejnaści» pavodle art. 24.15 KaAP. Pa rašeńniach sudoŭ mnohim pryznačyli vialikija štrafy z kampiensacyjaj sumy «zamiežnaj» apłaty. Niekatorych žančyn zatrymali ŭ miežach kryminalnaj spravy i źmiaścili pad vartu.
Ciapier čytajuć
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ1
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary