Palehčany vizavy režym, jaki dziejničaŭ u minułym hodzie dla rasijskich i ŭkrainskich turystaŭ, u 2010 hodzie Charvatyja moža raspaŭsiudzić i na biełarusaŭ.
Rasijskija ŚMI paviedamlajuć, što sioleta «biaźvizavy» pieryjad płanujuć pavialičyć na miesiac: z 1 krasavika pa 31 kastryčnika.
Sapraŭdy, mnie viadoma takaja infarmacyja, — raspavioŭ Dźmitry Płatkoŭ, dyrektar kampanii «VŁP». —
Aficyjna jaje pavinny abnarodavać u najbližejšy čas.
Zaraz z charvackaha boku viadziecca vielmi surjoznaja praca pa palahčeńni vizavaha režymu, i ja vielmi spadziajusia, što sioleta im udasca davieści jaje da kanca.
Biaźvizavy režym moh by značna pavialičyć turystyčny patok ź Biełarusi ŭ Charvatyju».
***
Letaś hramadzianie Rasii i Ukrainy mahli naviedvać Charvatyju biez turystyčnych vaŭčaraŭ i zaprašeńniaŭ, tolki pry najaŭnaści dziejučaha zamiežnaha pašparta. Miž tym, ciapierašni siezon moža ŭ Charvatyi stać apošnim biaźvizavym siezonam dla turystaŭ z SND. Reč u tym, što ŭ 2012 hodzie kraina płanuje ŭstupić u ES, i letni siezon‑2011 moža pryśviacić demanstracyi nadziejnaści svaich miežaŭ udzielnikam Šenhienskaha pahadnieńnia.
«Pakul ja nie baču niejkaj surjoznaj padrychtoŭki Charvatyi da ŭstupleńnia ŭ ES, — paviedamiŭ Dźmitry Płatkoŭ,— nie dumaju, što krainie ŭdasca ŭ 2012 hodzie stać častkaj Jeŭrasajuza. U lubym vypadku, šenhienskaja charvackaja viza z adnaho boku moža być zručniej dla biełaruskich turystaŭ, a z druhoha, pakiet dakumientaŭ, nieabchodny dla jaje atrymańnia, ŭskładnicca.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary