Parazmaŭlać z televizaram

U muzycy «Tielevizor» spałučaje elektroniku i tradycyjnyja chady rasijskaha roka, u słovach — mocna namiešany sacyjalny pratest, jaki padmacoŭvajecca aktyŭnaj hramadzianskaj pazicyjaj lidera hurta Michaiła Barzykina.

U dalokim 1986-m za niezalitavanuju cenzuraj pieśniu «Vyjści z-pad kantrolu», jakuju hurt vykanaŭ na kancercie, «Tielevizor» trapiŭ va ŭsie mahčymyja zabaronnyja śpisy.

U sučasnaj Rasii znoŭ vialikaja niałaska z boku ŭładatrymcaŭ i tatalnaje źniknieńnie z teleefiru: paśla ŭdziełu ŭ apazicyjnym «Maršy niazhodnych», dzie Barzykin staŭ popleč ź Juryjem Šaŭčukom, a taksama praz prysutnaść na akcyi «Hazprambajter», jakaja była nakiravanaja suprać pabudovy hazpramaŭskaha chmaračosa ŭ histaryčnym centry Sankt-Pieciarburhu. Siońnia śpiavajučy svoj stary chit «Tvoj tata-fašyst», Michaił Barzykin pryśviačaje jaho Pucinu ź Miadźviedzievym.

«Naša Niva»: Michaił, jak na vašuju dumku, ci jość raskoł siarod rasijskich rokieraŭ u pytańni, jak treba stavicca da ciapierašniaj rasijskaj ułady?

Michaił Barzykin: Jość simptomy raskołu. Kolki hadoŭ tamu Kreml vyklikaŭ da siabie viadučych rokieraŭ krainy, kab damovicca ab peŭnaj supracy. U vyniku hetaj razmovy jany (ułada i rok-muzyki) adzin adnaho nie čapajuć, dajuć adno adnomu dychać. To bok, jak na mnohich rok-muzykaŭ dyk vyhadnaje supracoŭnictva.

«NN»: Ciapier šmat chto ličyć, što rok siońnia — heta ŭsiaho-tolki jašče adzin kirunak muzyki i jon bolš nie pavinny zajmać žorstkuju pratestnuju pazicyju. Vy zhodny?

MK: Pa-pieršaje, nichto nikomu ničoha nie moža naviazvać. Niama paniatku «pavinny» stasoŭna tvorcy. Prosta rok — heta varyjant haradskoha ramansu i ŭ hałoŭnaja ŭmova jaho isnavańnia — kab jon byŭ žyvy. Rok-muzyka pavinna niejak adlustroŭvać, što adbyvajecca ŭ śviecie, jak i luboje mastactva. Hetaksama rok-muzyka pavinna zakranać roznyja temy, u tym liku i sacyjalny pratest. Heta, moža, nie adzinaja jaje zadača, ale curańnie temaŭ pratestu — zaniatak niaščyry, heta sproba dać dzieraka, uchilicca ad rečaisnaści. Kali ž rok-muzyka hetak uciakaje, dyk mnie takaja tvorčaść nia vielmi cikavaja.

Pry detalnym ahladzie, možna skazać, što navat Bietchovien adlustroŭvaŭ svajo stahodździe ź jaho noravami i ładam žyćcia.

«NN»: A nie baiciesia, što z vami adbudziecca toje samaje, što i z Šaŭčukom, kali jon vypraviŭsia pry kancy 90-ch u kryžovy pachod suprać papsy? Nie baiciesia zrabicca vajaŭničym miesijašam?

MB: U mianie tyja vystupy taksama vyklikali ŭśmiešku. Tady ja za Šaŭčukom nie pajšoŭ. Chacia ideja zmahańnia z pošłaściu ŭ mastactvie staražytnaja, jak śviet. I słušnaja. Inšaja reč, kali z mašynaj šoŭ-biznesu pačynajuć zmahacca ludzi, jakija sami pachodziać ź jaje nietraŭ. Ja ž znachodžusia na ŭzbočynie šoŭ-biznesa i mnie zdajecca, što na mianie heta nie pašyrajecca. Da taho ž, spadziajusia, nie zhubiŭ samaironiju. I pavodle maich pieśniaŭ možna zrazumieć, što ja siabie daskanałaściu nie liču. Naadvarot — zaŭsiody chaču paśmiajacca z huru. Čałaviek istota niedaskanałaja, jana zaŭždy sumniajecca, i tamu ŭ mianie niama relihii, jakuju ja by chacieŭ nakinuć inšych ludziam. Niama žadańnia manipulavać ludźmi. Mnie heta niecikava i heta nie maja meta.

«NN»: Dyk jakaja ŭ vas meta?

MK: Maja zadača — vybudavać siabie. Duchoŭna. Pasprabavać maksimalna pazbycca strachu, naprykład. Dziela hetaha isnuje šmat mietodyk. U tym liku vyjści na «Marš niazhodnych» pad dručki AMAPu. Možna być biaskonca mudrym čałaviekam, siedziačy ŭdoma pierad televizaram. Ale heta ciapličnaja mudraść. Čałaviek usio ž słavicca spravami, a nie słovami. Tamu dla kapańnia ŭ sami siabie, dla razumieńnia siabie, i dla tvareńnia ŭ siabie, treba rabić niešta pa-za miežami siabie, zajmacca niečym, u tym liku i tvorčaściu. Voś hetaja duchoŭnaje budaŭnictva i jość matyvacyjaj maich zaniatkaŭ rok-muzykaj.

«NN»: Z časoŭ SSSR vy nie byli ŭ Biełarusi, a jakoj vam ujaŭlajecca sučasnaja Biełaruś?

MB: Šmat čuŭ ab usiakich cudach biełaruskaha ładu žyćcia. Isnujuć niejkija stereatypy, jakija da mianie dachodziać, pra Biełaruś, što maje maleńkaje tatalitarnaje hramadstva, pry hetym uviečary ŭ vas na vułkach možna volna špacyravać i nie bajacca chulihanaŭ, na vulicach čysta, pradukty nie padrablajuć, zatoraŭ niama — mašyny pryparkavanyja tam dzie treba. Mienš mituśni i svabody mienš. Mnie ciažka heta ŭsio spałučać, i mienavita tamu vielmi chočacca hlanuć na ŭłasnyja vočy.

«NN»: Što by vy chacieli tut ubačyć?

MB: Jak ludzi siabie adčuvajuć, u hetym hłuchim zapaviedniku sacyjalizmu. Chočacca ŭbačyć, parazmaŭlać ź ludźmi, pahladzieć jak usio pabudavana ź siaredziny. Ale, kaniešnie, i ekanamičnaja i palityčnaja situacyja taksama cikavaja. A hetaha možna dasiahnuć, dumaju, paśla dačynieńniaŭ ź niedurnymi ludźmi ź Minsku. Kab skłaści ŭražańnie, kab pastanavić dla siabie, što ž nasamreč tut adbyvajecca.

«NN»: Dziakuj, Michaił, intervju, łaskava zaprašajem u Biełaruś!

MB: Dziakuj. Čakajcie.

6 lutaha. R-Club (Surhanava, 26). Hurt «Televizar». Prahrama budzie źmiašanaja: jak pieśni z novaha «Dežaviu», tak i staryja kampazicyi z albomaŭ roznych hadoŭ. Pačatak a 19.

• 0
• 0
• 0
• 0
• 0
• 0
• 0
• 0