U Pieršamajskim rajonie paviesiłasia 69‑hadovaja žančyna. Za ankałahičnaj chvoraj dahladała svajačka. Napiaredadni samahubstva piensijanierka aformiła na jaje davieranaść dla atrymańnia piensii, rastłumačyŭšy, što samoj joj ciažka chadzić. 4 lutaha jana adpraviła svajačku ŭ kramu, a sama, pakinuŭšy dźvie zapiski, skončyła žyćcio samahubstvam.
U adnoj zapiscy piensijanierka rastłumačyła pryčyny suicydu, a ŭ druhoj addała apošnija rasparadžeńni.
Taksama ŭ Pieršamajskim rajonie i taksama šlacham paviešańnia ŭčyniŭ akt samahubstva 20‑hadovy minčanin. Małady čałaviek vučyŭsia ŭ adnym z VNU. Minułym letam jon jeździŭ na zarobki ŭ ZŠA, chacieŭ tam zastacca, ale nie atrymałasia. Viarnuŭšysia ŭ Biełaruś, nidzie nie pracavaŭ i nie vučyŭsia.
Jašče adzin vypadak samahubstva zarehistravany ŭ Kastryčnickim rajonie Minska. Tut paviesiŭsia 59‑hadovy niepracujučy minčanin.
Abstaviny i pryčyny, jakija padšturchnuli ludziej da suicydu, vyśviatlajuć orhany prakuratury.
U minułym hodzie ŭ Minsku 209 čałaviek skončyli žyćcio samahubstvam.
Najbolš vysoki ŭzrovień śmiarotnaści ad suicydu byŭ u Leninskim i Partyzanskim rajonach stalicy, a najbolš nizki — u Centralnym, Savieckim i Frunzienskim rajonach.
