Jak apytańni aceńvajuć šansy Kamały Charys pieramahčy Donalda Trampa na vybarach u ZŠA
Viadoma, što padčas prezidenckaj honki ŭsio moža źmianicca. Ale padobna, što Kamale Charys budzie niaprosta.
Apytańni pakazvajuć sprečnyja vyniki. Zhodna z apošnim apytańniem, jakoje apublikavała CBSNews, kali b vybary adbylisia siońnia, to za Charys prahałasavali b kala 48% vybarcaŭ suprać 51% za Trampa (za Bajdena prahałasavali b 47% suprać 52%).
Padobnuju karcinu maluje i apytańnie, jakoje apublikavała vydańnie Politico — Bajden tam prahraje Trampu, 42% suprać 43%. A kamanda Charys mahła b abyjści Trampa na adzin-try adsotki ŭ zaležnaści ad taho, chto budzie ŭ joj «druhim tvaram» (samaj pierśpiektyŭnaj nazyvajuć Chiłary Klintan). Taksama tolki 33% respandentaŭ paličyli, što Bajden musiŭ zastacca kandydatam.
U svaju čarhu, apytańnie Ipsos pakazała, što, niahledziačy na toje, što Bajden i Charys majuć amal adnolkavyja šansy, 69% amierykancaŭ ličać Bajdena zanadta starym dla taho, kab być prezidentam. Pra Trampa toje samaje kažuć 49% vybarcaŭ.
Ale, zhodna z hruntoŭnym apytańniem The Economist/YouGov, apublikavanym niekalki dzion tamu, Bajden byŭ by papularniejšy. Za jaho siońnia prahałasavali b 41% ludziej suprać 43% za Trampa. Pry takim ža vybary za Charys addali b svoj hołas 39%, za Trampa pry hetym 44%.
Padobnaha mierkavańnia prytrymlivajecca i apytańnie pa madeli 538, jakoje publikavała ABC News. Niahladziečy na toje, što ahulnyja vyniki Charys prahnazujucca trochi vyšejšymi, u štatach, jakija vahajucca, u Bajdena lepšyja šansy — 48% suprać 33%.
Ahulny rejtynh uchvaleńnia dziejnaści Kamały Charys ciapier 38.6%, a 50.4% pa stanie na 17 lipienia joj niezadavolenyja. Praŭda, na heta moža ŭpłyvać ahulnaja niezadavolenaść Džo Bajdenam, rejtynhi jakoj trochu nižejšyja (38.5% i 56.2%).
Admietna, što ŭ hetych vybarach u jakaści niezaležnaha kandydata źbirajecca ŭdzielničać Robiert Kenedzi małodšy — amierykanski juryst i syn Robierta Kienedzi, brata kolišniaha prezidenta ZŠA Džona Kienedzi. Jaho časta nie ŭličvajuć u apytańniach.
Kanedzi jadnaje antypryščepačnikaŭ i prychilnikaŭ kanśpirałohii dy papulizmu roznaha kštałtu. Jon moža stać trajanskim kaniom dla luboj z partyj. Pakul što jon zabiraje trochu bolš hałasoŭ u demakrataŭ, čym u respublikancaŭ, ale ŭsio moža źmianicca z časam.
«Naša Niva» — bastyjon biełaruščyny
PADTRYMAĆStała viadoma, kolki studentaŭ adličyłasia z adnaho sa staličnych univiersitetaŭ za apošnija hady. Ličba ŭražvaje5
Kamientary
Dziaduli Bajdenu vidavočna było ciažka adrazu abviarhać nachabnuju chłuśniu Trampa na debatach, ale ŭ spakojnych umovach jon miarkuje vydatna. Ŭsio ž taki dosied zvyš za 50 hadoŭ znachodžańnia ŭ vysokakankurentnaj amierykanskaj palitycy, a nie siadzieńnia na štykach i kramloŭskaj padtrymcy. Manieŭr Bajdena ŭsio bolš i bolš pačynaje vyhladać jak bliskučaja kambinacyja. Niešta kštałtu taho, jak niadaŭna Makron pierahulaŭ Le Pen, kali amal što ŭsie analityki prahnazavali jamu hučnuju parazu.
Padajecca, što Bajden vydatna zrazumieŭ našmat raniej, što novyja vybary ŭžo nie paciahnie, ale pradoŭžvaŭ źbirać na sabie ŭsie šyški i ciahnuŭ čas vykazvańniami kštałtu "admoŭlusia, kali boh mianie paraić". Usio dziela taho, kab dačakacca, kab respublikancy naminavali Trampa, a demakraty - jašče nikoha. Trampa ź vialikaj pompaj daminavali i jašče nie kandydat Bajden adrazu sychodzić z honki. I žvavy tolki na fonie Bajdena Tramp mamientalna apynajecca najstarejšym kandydatam u historyi ZŠA, a suprać jaho jašče zusim nie staraja Charys. Jakaja, darečy, sa svaim dośviedam vyhladaje našmat lepiej za prostuju afraamierykanku pa hiendernaj kvocie.
Pa pytańniach užo bačna, što Charys adrazu i biez strat całkam pierachaplaje pazityŭny rejtynh Bajdena. Miž tym da vybaraŭ jašče amal paŭhady, anijakaha kampramata na jaje niama i jana budzie tolki ŭzmacniać svaje pazicyi.
A što moža supraćpastavić joj Tramp, jaki ŭžo nia moža dać zadniuju? Jon niaspynna chłusić, maje kryminalny prysud, pieryjadyčna niasie žudasnuju biazhłuździcu (bo taksama ŭžo stary), pahražaje aŭtarytaryzmam i represijami usim palityčnym praciŭnikam i byłym ułasnym paplečnikam-zdradnikam, čym tolki napampoŭvaje ŭłasny antyrejtynh.
Brava, dziadula Džo! Dabro pieramoža.