Mikrachvaloŭki, kavamašyny i nie tolki. Jakija tavary praciahvajuć vieźci z Polščy ŭ Biełaruś i kolki na hetym možna zarabić
Niahledziačy na toje, što novy pakiet sankcyj zabaraniaje ekspart šerahu tavaraŭ ź Jeŭrasajuza ŭ Biełaruś, čaŭnočny biznes praciahvaje isnavać. Pahladzieli, jakija tavary ciapier pieravoziać z Polščy i kolki na hetym možna zarabić.
![](http://nashaniva.com/img/w840d4webp1/photos/stock/145_20110910_img_8153_nn-c008t.jpg.webp)
Śpis tavaraŭ skaraciŭsia
Siarod bytavoj techniki ciapier prapanujuć pieravozić mikrachvaloŭki, varačnyja paneli, duchavyja šafy, kavamašyny, kuchannyja vyciažki, i pyłasosy. Praz sankcyi sa śpisu źnikli takija papularnyja pazicyi, jak mabilnyja telefony, noŭtbuki i televizary.
Bolš za ŭsio hatovyja płacić za pieravozku duchavoj šafy. Za dastaŭku praź miažu «nieprachadnoj» pa vazie i košcie duchoŭki abiacajuć 110 dalaraŭ. Za kavamašynu koštam kala 550 jeŭra — 100 dalaraŭ. Za mikrachvaloŭku vahoj 20 kiłahram i koštam da 500 jeŭra (nie treba razmytniać) — 90 dalaraŭ.
![](http://nashaniva.com/img/w732d4webp1/photos/z_2024_07/mycollages15-cuzn0.jpg.webp)
Čaŭnok zamarožvaje svaje hrošy ŭ vyhladzie PDV
U prapanovie paznačana, što hetyja tavary nie zabaronienyja dla vyvazu ŭ Biełaruś, tamu polskaja mytnia afarmlaje na ich zvarot VAT (padatak na dadadzienuju vartaść). Achvotnyja padzarabić na pierakidcy tavaraŭ z Polščy ŭ Biełaruś musiać być hatovyja da taho, što daviadziecca zamarozić svaje hrošy — roŭnyja sumie VAT.
Pry najaŭnaści VAT zamoŭščyki pieravozki raźličvajucca z čaŭnakami pa canie «nieta» plus uznaharoda za pracu. Zamarožanuju sumu čaŭnaki viartajuć sabie pry nastupnaj pajezdcy.
Aproč bytavoj techniki dla kuchni, z Polščy pieradajuć i inšyja tavary. Tak, naprykład, na pieravozcy pyłasosa vahoj 10,5 kh čaŭnok moža zarabić $60. Za čajnik vahoj 3 kh — $30, za hładzilnuju došku — jašče $30.
Hukaŭzmacnialnuju aparaturu lehalna vyvozić nielha, tamu pry dastaŭcy muzykalnych kałonak zamaročvacca z afarmleńnie VAT nie daviadziecca. Ale heta jak minimum dadatkovyja ryzyki.
Za pravoz takoj techniki vahoj 10 kh hatovyja płacić $60.
Za dastaŭku praź miažu pary krasovak z VAT čaŭnakam prapanujuć pa $12. Taksa na roznyja inšyja tavary — pa $3 za kiłahram.
![](http://nashaniva.com/img/w732d4webp1/photos/z_2024_07/screenshot2024-07-25133112-p7z3u.png.webp)
Bytavaja chimija i korm dla žyvioł
Pryvieźci ŭ Biełaruś prosiać nie tolki techniku.
Za pravoz 6 upakovak vadkaha pralnaha paraška ahulnaj vahoj 9,5 kiłahrama dajuć $35. Aŭtamabilnyja zapčastki pieradajuć pa staŭkach $4-5 za kiłahram.
Korm dla žyvioł pierapraŭlajuć pa $3,5-4 za kiłahram.
Taksama praciahvajuć pieradavać aŭtamabilnyja koły, jakija čaŭnaki musiać pieravozić pad vyhladam zapaski.
Siarod tavaraŭ na pierakid traplajuć i davoli redkija pazicyi. Tak, naprykład, elektrahitara koštam $228 i vahoj kala 6 kiłahram. Za jaje pravoz prapanujuć $35. Časam traplajucca zajaŭki na pieravoz ałkaholu. Za 0,7 litra vina hatovyja płacić $3.
![](http://nashaniva.com/img/w732d4webp1/photos/z_2024_07/screenshot2024-07-24165353-52u2n.png.webp)
Uznaharoda za pravoz dziciačych aŭtamabilnych kresłaŭ — ad $13, za dziciačyja kalaski — ad $30.
Za pravoz pałatak i naviesaŭ hatovyja płacić ad $25 dalaraŭ za tavar vahoj 5 kiłahram da $65 za tavar vahoj 15 kiłahram.
Kamientary