na fota hałoŭny trenier kłuba, čarnahorski śpiecyjalist Mijadrah Božavič.
«Narylski nikiel» — asnoŭny akcyjanier futbolnaha kłuba «Maskva» — nie maje namieru pakidać kłub u premjer‑lizie na čempijanat Rasii‑2010.
Pra heta było abvieščana na siońniašniaj pres‑kanfierencyi pradstaŭnikoŭ «Narnikiela».
Nahadajem, što napiaredadni «haradžanie» atrymali ad RFS licenziju dla ŭdziełu ŭ čempijanacie, paviedamlaje Sport-Ekspriess.
Kančatkovaje rašeńnie pa hetym pytańni budzie abvieščana ciaham dvuch miesiacaŭ. Mahčyma, što «Maskva» budzie vystupać u nižejšych dyvizijonach, zachavaŭšy prafiesijny status, a mahčyma, naohuł budzie raspuščana. U vypadku sychodu kłuba z premjer-lihi, jaho miesca zojmie "Ałanija" (Uładzikaŭkaz), što zaniała ŭ minułym siezonie ŭ pieršaj lizie 3-je miesca.
***
FK «Maskva» byŭ zasnavany ŭ 1997 h. jak «Tarpieda-ZIŁ» (Ad 2005 hoda - FK «Maskva»).
U vyšejšym dyvizijonie vystupaŭ ad 2001 hoda, najvyšejšaje dasiahnieńnie - 4-je miesca ŭ čempijanacie 2007 hoda, u siezonie-2009 kłub finišavaŭ na 6-m miescy.
Za FK «Maskva» zajaŭlenyja try biełaruskija halikpiery:
Illa Haŭryłaŭ (u asnoŭnym składzie nie hulaŭ), Anton Amielčanka i hałkipier zbornaj Biełarusi, kapitan FK «Maskva» u siezonie 2009 Jury Žaŭnoŭ.
Viasnoj 2003 hoda kłub treniravaŭ biełaruski śpiecyjalist Siarhiej Alejnikaŭ.
