Kim Čen Yn prylacieŭ na viertalocie ŭ zatoplenyja rajony i asabista vyratavaŭ ludziej FOTY
«Vyratavanyja žychary, niečakana sustreŭšysia z tavaryšam Kim Čen Ynam, jaki čakaŭ ich u aeraporcie, dzie dźmie mocny viecier z daždžom, byli rasčuleny da śloz ad biaskoncaha chvalavańnia i padziaki, horača radavalisia».
Kim Čen Yn prylacieŭ na viertalocie i vyratavaŭ ludziej ad patopu, piša Paŭnočnakarejskaje telehrafnaje infarmacyjnaje ahienctva.
«Tavaryš Kim Čen Yn asabista kiravaŭ pracaj pa vyratavańni žycharoŭ rajonaŭ, jakija paciarpieli ad mahutnaj zalevy. Uzrovień vady ŭ race Amnok značna pieravysiŭ niebiaśpiečnuju płanku. U vyniku stvaryŭsia surjozny kryzis — bolš za 5000 žycharoŭ niekalkich astravoŭ izalavanyja ŭ rajonach, dzie vysokaja ryzyka padtapleńnia».
«Tavaryš Kim Čen Yn pryjechaŭ pa padtoplenaj niebiaśpiečnaj darozie na avijabazu. Jon asabista kiravaŭ vyratavalnaj pracaj. Vyratavanyja žychary, niečakana sustreŭšysia z tavaryšam Kim Čen Ynam, jaki čakaŭ ich u aeraporcie, dzie dźmie mocny viecier z daždžom, byli rasčuleny da śloz ad biaskoncaha chvalavańnia i padziaki, horača radavalisia», — paviedamlaje Paŭnočnakarejskaje telehrafnaje infarmacyjnaje ahienctva.
«Łajdaki i prystasavancy siarod viadučych kirujučych rabotnikaŭ dasiahnuli surjoznaj miažy, — adznačyŭ tavaryš Kim Čen Yn. — Ličačy biedstvy nieadolnaj stychijnaj źjavaj, jany ad paraženstva nie biarucca ŭpeŭniena za praduchileńnie stychijnych biedstvaŭ, a pracujuć na avoś, tolki hledziačy na nieba».
Ejsmant: Nijakich vybačeńniaŭ Łukašenka Zialenskamu nie prynosiŭ, bo prasić prabačeńnia nam niama za što75
Kamientary