Vienhryja pašyryła dziejańnie adnaho z typaŭ miascovych dazvołaŭ na žycharstva «nacyjanalnaja karta» (Nemzeti Kártyával) na hramadzian Biełarusi i Rasii. Adpaviednaje rašeńnie było pryniata ŭradam 8 lipienia, piša Reform.news.
Raniej dziejańnie prahramy raspaŭsiudžvałasia tolki na hramadzian Sierbii i Ukrainy. Z 9 lipienia «nacyjanalnaj kartaj» mohuć karystacca hramadzianie Biełarusi, Rasii, Bośnii i Hiercahaviny, Małdovy, Paŭnočnaj Makiedonii, Čarnahoryi.
«Nacyjanalnaja karta» praduhledžvaje sproščanyja ŭmovy ŭjezdu i znachodžańnia ŭ Vienhryi. Uładalniki karty mohuć uładkoŭvacca na pracu ŭ lubych halinach (nie tolki tam, dzie nazirajecca deficyt kadraŭ) i pryvozić z saboj siamju.
Karta vydajecca na 2 hady, ale moža praciahvacca nieabmiežavanuju kolkaść razoŭ. Dla praciahvańnia nie treba zdavać test na kulturnyja viedy. Praz try hady ŭładalnik karty moža atrymać pastajanny dazvoł na žycharstva.
Akramia hetaha, pa «nacyjanalnaj karcie» hramadzian trecich krain buduć upuskać u Vienhryju biez pravierak biaśpieki. U Jeŭrasajuzie aścierahajucca, što pa takoj schiemie ŭ Jeŭropu mohuć biez prablem ujechać rasijskija špijony.
Jeŭrasajuz pryznaŭ praźmiernym deficyt biudžetu ŭ vaśmi svaich členaŭ
Vienhryja? Italija? Ci Hrecyja? Dzie možna chutka i lohka aformić šenhienskuju vizu
Vienhryja i Słavakija paskardzilisia na Ukrainu ŭ Jeŭrasajuz
Słavakija i Vienhryja spyniajuć pampavać naftu praz trubapravod «Družba». Heta važna i dla Biełarusi
«Kubło takoje». Ź pierapisak Kabančuka robicca jasna, čamu Vieramiejčyka paličyli niebiaśpiekaj i zabaranili jamu ŭjezd va Ukrainu34
Kamientary