Biełaruski batutyst Ivan Litvinovič staŭ dvuchrazovym alimpijskim čempijonam
Skončylisia spabornictvy ŭ mužčynskich skačkach na batucie. Alimpijskim čempijonam staŭ biełarus Ivan Litvinovič.
Fota: AP Photo/Charlie Riede
Ivanu Litvinoviču 23 hady, jon naradziŭsia i vyras u Vilejcy. Vysokija vyniki pakazvaŭ jašče ŭ junackim uzroście, nieadnarazova byŭ čempijonam i miedalistam čempijanataŭ śvietu i Jeŭropy siarod junijoraŭ.
Z 2019 hoda staŭ vystupać na darosłych spabornictvach, tut u jaho taksama byli niemałyja dasiahnieńni, najvyšejšaje ź jakich — zołata Alimpijady-2020 u Tokia. Ciapier jon staŭ dvuchrazovym alimpijskim čempijonam.
Akramia taho, Ivan maje załatyja miedali čempijanatu śvietu 2019 i 2021 hadoŭ, a taksama čempijanatu Jeŭropy 2020-ha.
Jahonaja dziaŭčyna Vijaleta Bardziłoŭskaja siońnia zavajavała srebra Alimpijady.
Biełaruska Vijaleta Bardziłoŭskaja — srebnaja miedalistka Alimpijady! Što viadoma pra jaje?
Biełaruskija strałki zaviaršyli vystup na Alimpijadzie bieź miedaloŭ
Dačka emihrantaŭ ź Biełarusi stała alimpijskaj čempijonkaj u fiechtavańni na rapirach u składzie zbornaj ZŠA
Na Alimpijadzie hiendarny skandał: italjanskaja baksiorka admoviłasia praciahvać boj suprać «bijałahičnaha mužčyny»
Paśla pryjomu ŭ ministra Kubrakova aryštavali žančynu, jakaja šmat hadoŭ zmahajecca z «piedafilskim łobi»4
Paśla pryjomu ŭ ministra Kubrakova aryštavali žančynu, jakaja šmat hadoŭ zmahajecca z «piedafilskim łobi»
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja1919
Kamientary
Tamu materyjał Našaj Nivy varty być dapoŭnieny hetym kamientarom (bo žurnalisty, mabyć nie chočuć źmiešvać sport z palitykaj /chacia, tut nie pra palityku/).
Ivan Litvinovič u 2020-m zastaŭsia abyjakavym da katavańniaŭ i represijaŭ kalehaŭ-spartoŭcaŭ dy inšych biełarusaŭ, a taksama da ahulnadziaržaŭnaj chłuśni. Na adnoj z pres-kanfierencyjaŭ na pytańnie pra jahonnaje staŭleńnie da situacyi ŭ krainie i sporcie ŭ 2020-m tady jon adkazaŭ: "Mianie heta nie datyčycca. Mianie jano nie zakranuła". A ŭ 2021 hodzie jon padpisaŭ praŭładny list, faktyčna padtrymaŭšy dziejańni karnikaŭ. I pry hetym patłumačyŭ heta ŭsio tym ža vyrazam, što "sport pavinien być pa-za palitykaj".
Nu i varta akcentavać uvahu, što na hetuju Alimpijadu jon pajechaŭ u pryvatnym statusie, jak "ničyjny", a nie jak biełaruski spartoviec. Ale ja ŭpeŭnieny, što pa viartańni ŭ Biełaruś łukašysckaja prapahanda i ideałohija vyciśnie z hetaha jahonaha miedala svaje prapahandysckija soki i anivodnaha razu hety Litvinovič nie skaža, što jon suprać vykarystańnia hetaje nibyta čysta spartovaje temy dla palityki.