U Rasii zatrymali jašče adnaho hienierała ź Minabarony — užo piataha pa liku
Akramia taho, zatrymany dyrektar parku rasijskaj armii «Patryjot».
U Rasii zatrymali hienierał-majora Uładzimira Šeścierava, jaki zajmaje pasadu namieśnika načalnika Hałoŭnaha ŭpraŭleńnia inavacyjnaha raźvićcia Minabarony Rasii. Jaho zatrymali razam z dyrektaram parku «Patryjot» Viačasłavam Achmiedavym.
Pavodle viersii śledstva, Achmiedaŭ i Šeścieraŭ razam z saŭdzielnikami datyčnyja da kradziažu biudžetnych srodkaŭ, vydzielenych na zabieśpiačeńnie dziejnaści i funkcyjanavańnie parku «Patryjot», piša «Mieduza».
U rasijskim Śledčym kamitecie miarkujuć, što suma kradziažoŭ na dziaržzakupkach skłała bolš za 40 młn rasijskich rubloŭ (460 tysiač dalaraŭ).
Park «Patryjot» byŭ stvorany pa rašeńni tahačasnaha ministra abarony Rasii Siarhieja Šajhu ŭ 2014 hodzie. Na terytoryi parku raźmieščanyja muziei, «partyzanskaja vioska», zona rekanstrukcyi histaryčnych padziej, vystavačny centr i hałoŭny chram US RF.
Šeścieraŭ staŭ užo piatym zatrymanym hienierałam z kamandy eks-ministra abarony Siarhieja Šajhu. Siarod zatrymanych raniej — były namieśnik kiraŭnika Minabarony Cimur Ivanoŭ, načalnik Hałoŭnaha ŭpraŭleńnia kadraŭ Minabarony Juryj Kuźniacoŭ, načalnik Hałoŭnaha ŭpraŭleńnia suviazi Minabarony RF Vadzim Šamaryn i były kamandujučy 58-j armijaj Ivan Papoŭ.
Ivanova, Kuźniacova i Šamaryna abvinavacili ŭ atrymańni chabaraŭ, Papova — u machlarstvie.
U Rasii zatrymali jašče adnaho hienierała, namieśnika Hierasimava
«Rasija rychtujecca da doŭhaj vajny»: pra što śviedčyć pryznačeńnie Biełavusava
Pucin źniaŭ Šajhu z pasady ministra abarony — i pastaviŭ sakratarom Rady biaśpieki
«Elemient hulni suprać Šajhu». Što havorać palitołahi pra aryšt namieśnika ministra abarony Rasii
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2323
Kamientary