Kab adkazać na hetaje pytańnie, časopis «Aŭtabild» inicyjavaŭ admysłovy ekśpierymient. Pierad śpiecyjalistam-uzłomščykam była pastaŭlenaja zadača trapić biez kluča ŭ dziesiać aŭtamabilaŭ samych roznych kłasaŭ.
Fary, dyski, navihacyjnyja pryłady – uhonščykaŭ pryvablivajuć samyja roznyja detali aŭtamabilaŭ. Ich kupla-prodaž - prosty i vielmi prybytkovy biznes: aŭtazapčastkami handlujuć praź internet, da taho ž pierievazić ich praściej čymsia cełuju mašynu. Skradzienyja aŭtamabili raźbirajuć tak, što praź dźvie hadziny ad mašyny zastajecca tolki stalovy karkas. Jak praviła, handlary «čornymi» detalami transpartujuć svoj tavar pad vyhladam mietałałomu. Tak mieńšaja vierahodnaść patrapicca, čym kali ty jedzieš praź miažu na skradzienym aŭtamabili, - raspaviadaje redaktar časopisu «Aŭtabild» Aleksander Kors.
Dla taho, kab vyśvietlić, nakolki chutka siońnia možna ŭzłamać aŭtamabil ŭ Niamieččynie, jon inicyjavaŭ admysłovy ekśpierymient. U jakaści złodzieja ŭ im uziaŭ udzieł supracoŭnik firmy, jakaja vyrablaje instrumient dla ŭskryćcia dźviarnych zamkoŭ u lehkavych aŭtamabilach. Pierad śpiecyjalistam była pastaŭlenaja zadača trapić biez kluča ŭ dziesiać aŭtamabilaŭ samych roznych kłasaŭ – ad maleńkaha Smart'a da džypu BMW X5. Pry hetym jon musiŭ zasiekčy čas, jaki jamu dla hetaha spatrebicca, i, što samaje hałoŭnaje, ničoha nie złamać. Kolki ž aŭtamabilaŭ daviałosia adčynić prafiesijnamu ŭzłomščyku?
«Vyniki našaha testu stali siurpryzam jak i dla nas, tak i dla našaha ekśpierta. U čatyroch vypadkach ź dziesiaci jon tak i nie zdoleŭ adčynić mašynu. Z tych aŭtamabilaŭ, jakija śpiecyjalist usio ž zdoleŭ uzłamać, chutčej za usio, byŭ Smart. Na heta jamu spatrebiłasia krychu bolš za adnuju chvilinu. Daŭžej za ŭsio – 21 chvilinu – ekśpiert praciohaŭsia z Tajotaj Jarys, u sałon jakoj jon trapiŭ z druhoj sproby».
- tłumačyć Aleksander Kors. Pa jaho słovach, nielha sychodzić z taho, što darahija aŭtamabili ŭhnać ciažej, čym bolš dastupnyja dla šyrokaha spažyŭca mašyny ŭschodnie-eŭrapiejskich albo daloka-uschodnich vytvorcaŭ:
«Tut, biezumoŭna, adyhryvaje vialikuju rolu forma roznych detalaŭ. U Logan'a knopki dźviarnoha zamka amal niemahčyma ŭzłamać. Na maju dumku, heta chutčej vypadkovaść, bo kali kanstruktary rabili vybar na karyść hetych knopak, jany naŭrad ci dumali pra toje, jak uskładnić žyćcio złodziejam.»
