Siostry Hruździevy prapanujuć artystaŭ, jakija nie padtrymajuć Łukašenku ŭ 2025-m, štrafavać na 500 tysiač jeŭra ci sadžać u turmu
Sa svajoj idejaj jany źbirajucca hrukacca da Kačanavaj.
![](http://nashaniva.com/img/w840d4webp1/photos/z_2024_08/4213-9htm4.png.webp)
Pra svaju ideju śpiavački raskazvali jašče ŭ mai 2024-ha.
«My ŭsie pamiatajem padziei 2020 hoda, kali zdradžvali tyja ludzi, jakija nie pavinny byli zdradžvać: artysty, ministry. I my vystupili z takoj inicyjatyvaj, kab dziaržava na tyja ž hrabli nie nastupiła:
davajcie, moža być, inicyjujem takuju damovu pamiž artystami i dziaržavaj, što tyja ludzi, jakija ciapier u publičnaj prastory, jakija atrymlivajuć ciapier uznaharody, milhajuć pa televizary, zarablajuć u rodnaj krainie — vy padpisvajecie papieru, pa jakoj u 2025 hodzie padtrymlivajecie prezidenta, krainu, a kali vy hetaha nie robicie, to vy płacicie štraf minimum 500 tysiač jeŭra ci turma.
Vy rašajecie sami», — raskazali, pierabivajučy adna adnu, Hruździevy ŭ efiry «Minskaj chvali».
Śpiavački źbirajucca danieści svaju prapanovu da Ministerstva kultury, Savieta Respubliki i Administracyi Łukašenki.
Siostry Hruździevy da 2020 hoda byli nikomu nieviadomymi artystkami. Ale za košt łajalnaści da Łukašenki jany prabilisia na scenu i ciapier pieryjadyčna vystupajuć na dziaržaŭnych kancertach i prapahandysckich dyjałohavych placoŭkach.
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja
![](http://nashaniva.com/img/w450h300crop1webp1/photos/stock/viachorka3-aajnw.jpg.webp)
Kamientary