«Mistral» maje 199 m udoŭžki, na im mohuć raźmiaścicca 16 viertalotaŭ i 470 desantnikaŭ.
Francyja zhodnaja pradać Rasii najsučasny
Pra heta stała viadoma 8 lutaha.
Ekśpierty aceńvajuć nabytak u 500–600 młn jeŭra. Heta samaja darahaja vajennaja zakupka ŭ historyi postsavieckaj Rasii i pieršaja zakupka ŭzbrajeńnia ŭ krainy NATO.
Ab płanach Minabarony Rasii nabyć Mistral stała viadoma vosieńniu 2009 hoda. Infarmacyju zaniepakojena sustreli susiedzi Rasii i ZŠA. Minabarony Łatvii zajaviła, što budzie pierahladać abaronnuju kancepcyju, kali Rasija raźmieścić taki karabiel u Bałtyjskim mory. Saviet nacyjanalnaj biaśpieki Hruzii adznačaŭ, što najaŭnaść u Rasii takoha sučasnaha karabla pavialičyć jaje vajskovy cisk na Hruziju. Tak, hałoŭnakamandujučy VMF Rasii Uładzimir Vysocki kazaŭ, što,
kab u Rasii byŭ taki karabiel u žniŭni 2008 hoda, Hruzija paciarpieła b parazu za 40 chvilin.
Hrupa amierykanskich sienataraŭ, u liku jakich byŭ i Džon Makiejn, vykazała zaniepakojenaść płanami francuzskaha Minabarony. Na dumku sienataraŭ,
niapravilna pradavać sučasnaje zbroju krainie, pavodziny jakoj stanovicca ŭsio bolš ahresiŭnymi.Suprać prodažu, śćviardžali aŭtary lista, śviedčyła i toje, što Rasija nie vykonvaje ŭmovy pieramirja na Kaŭkazie.
Adnak prezident Francyi Nikala Sarkazi, jaki asabista spryjaŭ dasiahnieńniu taho zamireńnia, asabista ž adobryŭ i prodaž «Mistrala».
Kiraŭnictva Francyi padtrymlivaje prodaž Rasii najnoŭšaha ŭzbrajeńnia, miarkujučy tak zavajavać jaje davier i pašyryć jaje supracoŭnictva z NATA.
Vajskovyja ž analityki sumniajucca ŭ metazhodnaści takoha nabyćcia. «Mistral» pryznačany dla padvozu vojskaŭ da ŭźbiarežža, kali niama pahrozy ŭdaraŭ ni z pavietra, ni z vady. Najzručniej ź jaho dapamohaj ładzić palicejskija miratvorčyja mierapryjemstvy. Rasija takim nie zajmajecca, tamu hučać viersii pra adkaty i niekamptentnaść vajskovych čynoŭnikaŭ.
«Mistral» maje 199 m daŭžyni, na im mohuć raźmiaścicca 16 viertalotaŭ (8 šturmavych i 8 desantnych) i 470 desantnikaŭ.
Dla čaho b «Mistral» ni vykarystoŭvali,
infarmacyja pra ŭsie jaho pieramiaščeńni ŭ składzie rasijskaha fłotu budzie iści praź Vilejskuju radyjołakacyjnuju stancyju.Pa joj — i pieršy ŭdar, u vypadku čaho. Biełaruś i Rasija ciesna supracoŭničajuć u vajskovaj śfiery. Na terytoryi Biełarusi raźmieščanyja dźvie rasijskija vajskovyja bazy — u Vilejcy (stancyja dalokaj suviazi VMF Rasii) i ŭ Hancavičach (sistema papiaredžańnia pra rakietny napad).