Prezident Mižnarodnaha alimpijskaha kamiteta Tomas Bach zajaviŭ, što pryniaŭ rašeńnie nie sprabavać pieraabiracca na novy termin.
![](http://nashaniva.com/img/w840d4webp1/photos/z_2024_08/gettyimages-2166036784-ywxym.jpg.webp)
«U vyniku hłybokich razvažańniaŭ i šyrokich dyskusij, u tym liku z majoj siamjoj, prysutnaj tut, u zale, ja pryjšoŭ da vysnovy, što nie varta padaŭžać maje paŭnamoctvy zvyš terminu, praduhledžanaha alimpijskaj Chartyjaj», — skazaŭ Tomas Bach žurnalistam.
Raniej, na 141-j siesii MAK u indyjskim Mumbai, niekalki siabraŭ arhanizacyi vystupili ź inicyjatyvaj źmianić alimpijskuju Chartyju, kab Bach moh być pieraabrany jašče na adzin termin.
Vybary prezidenta MAK adbuducca ŭ sakaviku 2025 hoda na siesii arhanizacyi ŭ Hrecyi.
70-hadovy pradstaŭnik Hiermanii Tomas Bach kiruje Mižnarodnym alimpijskim kamitetam z 19 vieraśnia 2013 hoda, jon dabyvaje druhi siamihadovy termin. U minułym jon sam byŭ dobrym spartoŭcam, a ŭ 1976 hodzie navat staŭ alimpijskim čempijonam u składzie kamandy FRH ŭ fiechtavańni na rapirach. Taksama jon ŭ kamandnym pieršynstvie byŭ čempijonam i nieadnarazovym pryzioram čempijanata śvietu.
Alimpijadu ŭ Paryžy zakryjuć zorki? Što viadoma pra šou ŭ niadzielu
Ałžyrka, jakuju ckavali ŭ internecie, vyjhrała zołata Alimpijady
U trajnym skačku na Alimpijadzie pjedestał zaniali kubincy — i nivodzin ź ich nie pradstaŭlaje Kubu. Usie jany ŭciakli z krainy
Vychavanka biełaruski Julii Raskinaj zavajavała zołata na Alimpijadzie
Kamientary