U Minsku zatrymali rasijskaha tyktokiera z 5 miljonami padpisčykaŭ — i prymusili vybačacca
Błohier Hlebas pryjechaŭ u Biełaruś da siabra na dzień naradžeńnia i źniaŭ niekalki rolikaŭ, jakija zacikavili siłavikoŭ.
Siłaviki ŭ Minsku zatrymali papularnaha rasijskaha tyktokiera Hlebasa — u jaho 5,2 młn padpisčykaŭ u tyktoku i jašče 150 tysiač u Instagram.
Milicyju zacikavili dva roliki, jakija Hleb Dziamidaŭ źniaŭ u biełaruskaj stalicy i, miarkujučy pa ŭsim, apublikavaŭ u vyhladzie paviedamleńniaŭ u svaim telehram-kanale.
Na pieršym roliku błohier uvajšoŭ u kabinu tralejbusa na prypynku niedaloka ad vakzała i źbiantežyŭ žančynu-kiroŭcu. Na druhim — hučna raspavioŭ niecenzurny aniekdot u vahonie mietro.
U vyniku siłaviki zapisali z Hlebasam svajo videa, na jakim prymusili błohiera paprasić prabačeńnia za toje, što jon «daŭ niapravilny prykład moładzi».
Tyktokier na kamieru kaža, što bolš takim zajmacca nie budzie, kab «moładź raŭniałasia na inšyja prykłady — toj ža sport».
Na videa siłavikoŭ Hleba raspavioŭ, što pryjechaŭ u Minsk na dzień naradžeńnia siabra. MUS paviedamlaje, što na błohiera skłali pratakoł za drobnaje chulihanstva.
Minskija ŭłady raskazali, jak buduć zmahacca z «akijanam aŭtamabilaŭ» u dvarach2
Kamientary