Rasija nie atrymlivała ad Biełarusi prapanovaŭ pa ŭdziele ŭ pryvatyzacyi biełaruskich naftachimičnych pradpryjemstvaŭ. Pra heta zajaviŭ žurnalistam u sieradu ŭ Minsku pasoł RF u Biełarusi Alaksandr Surykaŭ.
«Peŭnych prapanoŭ niama, jość tolki žadańnie papracavać nad imi», — adznačyŭ pasoł.
Dypłamat zajaviŭ, što «hetyja razmovy ŭ vobłaści naftapierapracoŭki (pryvatyzacyi) viaducca z 90‑ch. Ale dalej razmovaŭ sprava nie idzie».
«Chaciełasia b, kab biełaruskija naftapierapracoŭčyja pradpryjemstvy vykazali svaje pazicyi i vyjšli z dobra vytłumačalnymi prapanovami», — padkreśliŭ pasoł. «Chaciełasia b, kab ad słovaŭ pierachodzili da spravy», — dadaŭ jon.
Rasija nie budzie sioleta biazmytava pastaŭlać naftu ŭ Biełaruś bolej, za abjomy, jakija vyznačanyja pratakołam,
niahledziačy na stvareńnie ad 1 — lipienia Adzinaj mytnaj prastory ŭ miežach Mytnaha sajuza Biełarusi, Rasiei i Kazachstana, skazaŭ Surykaŭ.
«Pratakoł da mižuradavaha pahadnieńnia padpisany. Biełaruski i rasijski baki vyznačylisia pa abjomach nafty dla ŭnutranych patrebaŭ Biełarusi. Bolš nijakich dziejańniaŭ nie robicca, dakumient padpisany i čakaje svajoj ratyfikacyi», — zajaviŭ Surykaŭ.
Pavodle jahonych słoŭ,
»ŭsie astatnija nadziei mohuć być pakinutyja pa‑za ramkami hetaha dakumienta».
