Rasijanin kinuŭ hranatu ŭ vientylacyjnuju adtulinu padvała štaba padraździaleńnia «Štorm Z», dzie spaŭ jaho kambat i inšyja rasijskija aficery. Usiaho ŭ pamiaškańni znachodziłasia kala 15 čałaviek.
![Śpiecopieracija «Kamyš», rośsijskij vojennosłužaŝij «Silvier» Special operation "Charot", Russian servicemen "Silver" Śpiecapieracyja "Čarot", rasijski vajennasłužačy "Silvier"](http://nashaniva.com/img/w840d4webp1/photos/z_2024_08/-fvgv4.jpg.webp)
Hałoŭnaje ŭpraŭleńnie raźviedki ministerstva abarony Ukrainy padzialiłasia detalami śpiecapieracyi «Čarot», u vyniku jakoj rasijanin padarvaŭ štab z aficerami i pierajšoŭ na bok Ukrainy.
Heta była sumiesnaja apieracyja prajekta «Chaču žyć», jaki stvorany dla vajennasłužačych Uzbrojenych sił Rasii dla dobraachvotnaj zdačy ŭ pałon, i Lehijonu «Svaboda Rasii».
Jak paviedamlajecca, 24-hadovy rasijski apieratar dronaŭ z pazyŭnym «Silvier», jaki słužyŭ u šturmavym padraździaleńni, što vajavała na Aŭdziejeŭskim napramku, jašče zimoju źviazaŭsia ź Lehijonam. Na praciahu peŭnaha času jon pieradavaŭ Ukrainie kaštoŭnyja raźvieddanyja ab raspałažeńni, kolkaści i namierach rasijskaha boku na kankretnym učastku frontu.
Pa jaho słovach, matyvam dla supracoŭnictva stali sistematyčnyja vajennyja i inšyja złačynstvy rasijskaha kamandavańnia, u tym liku katavańni i pazasudovyja pakarańni śmierciu ludziej, jakija admovilisia ŭdzielničać u vykanańni bajavych zadač, źbićcio i vymahalnictva, jakija byli raspaŭsiudžany ŭ jaho padraździaleńni.
Jak raskazvaje «Silvier», detali apieracyi pa likvidacyi kamandzira jon abmiarkoŭvaŭ z ukrainskim bokam.
U vyniku było vyrašana, što jon kinie hranatu praź vientylacyjnuju adtulinu, što vychodzić u padvał i znachodzicca nad łožkam, dzie spaŭ kambat. Sam bajec śćviardžaje, što ŭ pamiaškańni na momant uzryvu znachodziłasia kala 15 čałaviek.
Paśla hetaha «Silvier» pa pradumanym maršrucie pierajšoŭ na terytoryju Ukrainy. Ciapier jon siarod rekrutaŭ Lehijona «Svaboda Rasii».
Kamientary