Zatrymki adjezdu da 18 hadzin. Kolki aŭtobus staić na miažy i jakaja situacyja z kvitkami
Takaja situacyja skłałasia tolki na polskim kirunku. Na ŭjeździe ŭ Litvu čakańnie zajmaje mienš času.
![](http://nashaniva.com/img/w840d4webp1/photos/stock/screenshot2024-08-02125211-l3c3v.png.webp)
U siaredzinie tydnia ŭ punkcie propusku «Brest» na miažy z Polščaj znoŭ vystrailisia vializnyja čerhi z aŭtobusaŭ. Na viečar aŭtorka ŭ «čarhu» ŭjezdu ŭ ES čakali rekordnyja 92 aŭtobusy.
Da ranicy sierady čarha trochi skaraciłasia. Pavodle źviestak ad HPK, ujezdu ŭ Polšču pa stanie na 10:00 čakajuć 65 aŭtobusaŭ, piša newgrodno.by
Na žal, pradbačyć, kolki času «adbiare» čarha, składana. Usio zaležyć ad šmatlikich faktaraŭ. Adznačym, što na viečar aŭtorka zatrymki niekatorych aŭtobusaŭ u darozie dachodzili da 18-20 hadzin. U suviazi z hetym pieranosiŭsia i čas ich adpraŭleńnia, raspaviadaje «Atłas».
Čerhi ŭsiudy?
Nie. Takaja situacyja skłałasia tolki na polskim kirunku. Na ŭjeździe ŭ Litvu čakańnie zajmaje mienš času.
Pa danych pieravozčykaŭ-partnioraŭ «Atłasa», na tych rejsach, što iduć praz pahranpierachod «Bieniakoni — Šalčyninkaj», raskład dakładna vykonvajecca.
Niama zatrymak i ŭ «Kamiennym Łohu». Pieravozčyki robiać usio mahčymaje, kab aŭtobusy prybyvali i adpraŭlalisia svoječasova.
Što z kvitkami?
«Atłas» prosić uličvać infarmacyju pra čerhi na miežach pry płanavańni pajezdak. Prodaž adkryvajecca za miesiac da adpraŭleńnia aŭtobusa. I na samyja papularnyja rejsy kvitki mohuć razabrać na praciahu niekalkich dzion.
Samymi zapatrabavanymi, jak i raniej, zastajucca rejsy ŭ vychadnyja dni. Na aŭtobus, što idzie na nastupny dzień u budni, nabyć kvitok praściej.
-
«Ci nie zašmat vy na siabie ŭziali?» Cichanoŭskaja adkazała na vostryja pytańni pra status Nacyjanalnaj lidarki
-
«Vialiki čałaviek dla biełarusaŭ». Łukašenku paprasili nazvać vulicu ŭ Minsku ŭ honar savieckaha maršała
-
Ajcišnik z EPAM, jaki žyvie ŭ ZŠA, naviedaŭ Biełaruś. Ciapier jamu pahražaje da siami hadoŭ kałonii
Kamientary