Затрымкі ад'езду да 18 гадзін. Колькі аўтобус стаіць на мяжы і якая сітуацыя з квіткамі
Такая сітуацыя склалася толькі на польскім кірунку. На ўездзе ў Літву чаканне займае менш часу.
У сярэдзіне тыдня ў пункце пропуску «Брэст» на мяжы з Польшчай зноў выстраіліся вялізныя чэргі з аўтобусаў. На вечар аўторка ў «чаргу» ўезду ў ЕС чакалі рэкордныя 92 аўтобусы.
Да раніцы серады чарга трохі скарацілася. Паводле звестак ад ГПК, уезду ў Польшчу па стане на 10:00 чакаюць 65 аўтобусаў, піша newgrodno.by
На жаль, прадбачыць, колькі часу «адбярэ» чарга, складана. Усё залежыць ад шматлікіх фактараў. Адзначым, што на вечар аўторка затрымкі некаторых аўтобусаў у дарозе даходзілі да 18-20 гадзін. У сувязі з гэтым пераносіўся і час іх адпраўлення, распавядае «Атлас».
Чэргі ўсюды?
Не. Такая сітуацыя склалася толькі на польскім кірунку. На ўездзе ў Літву чаканне займае менш часу.
Па даных перавозчыкаў-партнёраў «Атласа», на тых рэйсах, што ідуць праз пагранпераход «Беняконі — Шальчынінкай», расклад дакладна выконваецца.
Няма затрымак і ў «Каменным Логу». Перавозчыкі робяць усё магчымае, каб аўтобусы прыбывалі і адпраўляліся своечасова.
Што з квіткамі?
«Атлас» просіць улічваць інфармацыю пра чэргі на межах пры планаванні паездак. Продаж адкрываецца за месяц да адпраўлення аўтобуса. І на самыя папулярныя рэйсы квіткі могуць разабраць на працягу некалькіх дзён.
Самымі запатрабаванымі, як і раней, застаюцца рэйсы ў выхадныя дні. На аўтобус, што ідзе на наступны дзень у будні, набыць квіток прасцей.
-
Літва палічыла фігуранта расследавання «Нашай Нівы» Скіндзерава пагрозай нацыянальнай бяспецы і збіраецца пазбавіць статусу ўцекача
-
У прыгранічных Лельчыцах вучыліся разгортваць рухомыя пункты харчавання і рэчавага забеспячэння
-
У Віцебску на пешаходным пераходзе паставілі незвычайныя слупкі. Як яны працуюць?
Цяпер чытаюць
Зяленскі назваў, якія рэтранслятары на мяжы і беларускія прадпрыемствы хвалююць Украіну36
Каментары