Pradziusier Šulman pazyčaŭ pa 60 tysiač dalaraŭ

pad słova honara. Ciapier paciarpiełyja dabivajucca viartańnia hrošaj praz sud.

Siońnia padčas adkrytaha pasiadžeńnia pa spravie dyrektara PUP «Kłas‑Kłub DK» Hienadzia Šulmana ŭ sudzie Savieckaha rajona Minska abvinavačany nie pryznaŭ siabie vinavatym pa ŭsich pradjaŭlenych abvinačvańniach.

Uradženiec Minska Hienadź Šulman abvinavačvajecca va ŭčynieńni złačynstvaŭ, praduhledžanych č. 2 art. 339 (złosnaje chulihanstva), č. 4 art. 209 (machlarstva ŭ asabliva bujnym pamiery) i č. 2 art. 216 (pryčynieńnie majomasnaj škody ŭ bujnym pamiery biez prykmiet kradziažu) Kryminalnaha kodeksa. Paciarpiełymi pa hetaj spravie prachodziać 11 čałaviek.

Staršyniuje ŭ sudzie Ina Łaŭkova, dziaržaŭny abvinavaŭca — namieśnik prakurora Savieckaha rajona Rusłan Miniec, advakat — Alena Puhačova.

Pa chadajnictvie abvinavačvanaha i abarony pryniata rašeńnie abjadnać u adnu vytvorčaść hetuju kryminalnuju spravu i kryminalnuju spravu pa abvinavačańni Hienadzia Šulmana pa č. 4 art. 209 KK, jakaja pastupiła ŭ sud 29 studzienia 2010 hoda.

Dziaržabvinavaŭca paviedamiŭ padčas sudu, što ad 2004 da 2009 hoda Hienadź Šulman pazyčyŭ vialikija sumy hrošaj u šeraha pryvatnych asob, a taksama ŭ ZAT «Sombiełbank».

Šlacham padmanu i złoŭžyvańnia davieram nanios škodu (z ulikam pazykaŭ i niekatorych pracentaŭ) na summu bolš za Br641 młn.

Hrošy dyrektar «Kłas‑Kłub DK» nibyta pazyčaŭ u svaich znajomych i siabroŭ dla praviadzieńnia kancertaŭ z abiacańniem viarnuć paśla atrymańnia prybytku.

Niekatoryja paciarpiełyja pazyčali pa 60 tysiač dalaraŭ biez pracentaŭ, navat dobra nie raźbiralisia, jak i kali abvinavačany Šulman budzie viartać hrošy.

Abvinavačany karmiŭ ich kazkami, što biznes idzie drenna i hrošaj niama.

Chacia navat u 2009 hodzie padčas rasśledvańnia machlarstvaŭ Šulman arhanizavaŭ 2 śpiektakli Jaŭhienija Hryškaŭca z anšłahami.

Padčas sudovaha raźbiralnictva taksama vyśvietliłasia, što kiraŭnik «Kłas‑Kłub DK» nie vypłočvaŭ zarobki supracoŭnikam firmy. Akramia taho, Hienadzia Šulmana abvinavačvajuć u złosnym chulihanstvie,

źbićci niapoŭnahadovaha na terytoryi škoły.

49‑hadovy Šulman znachodzicca pad vartaj ad 5 kastryčnika 2009 hoda. Raniej jon sudzimy nie byŭ. Dyrektaram kampanii źjaŭlajecca z 1992 hoda. Arhanizoŭvaŭ u Biełarusi kancerty DeepPurple, Scorpions, Nazareth, Whitesnake, Robierta Płanta, Patrysii Kaas, Krysa de Burha.

• 0
• 0
• 0
• 0
• 0
• 0
• 0
• 0