U ZŠA čałaviek prykinuŭsia miortvym, kab nie płacić $100 tysiač alimientaŭ
39-hadovy Džesi Kipf z Kientuki padmannym šlacham atrymaŭ dostup da sistemy rehistracyi śmierciaŭ na Havajach i stvaryŭ tam falšyvy fajł pra svaju śmierć, piša Bi-bi-si.
Kipf zapoŭniŭ formu paśviedčańnia ab śmierci, pryznačyŭšy siabie miedycynskim śviedkam pa hetaj spravie. Jon zavieryŭ dakumient ličbavym podpisam doktara ź inšaha štata, ukazaŭšy jaho imia, pasadu i numar licenzii — usie hetyja źviestki Kipf papiarednie skraŭ. U vyniku ŭ mnohich fiederalnych bazach danych jon staŭ ličycca pamierłym.
Paśla hetaha chakier vyrašyŭ jašče i padzarabić nastupnym čynam. Jon pranik u sistemy rehistracyi śmierciaŭ u inšych štatach, vykarystoŭvajučy ŭlikovyja danyja, skradzienyja ŭ inšych daktaroŭ i supracoŭnikaŭ, a adtul u dziaržaŭnyja i karparatyŭnyja sietki, a zatym pasprabavaŭ pradać dostup u internecie.
Było vyjaŭlena, što jon pradavaŭ skradzienyja bazy danych, jakija źmiaščajuć asabistuju infarmacyju, takuju jak numary sacyjalnaha strachavańnia, inšym kibierzłačyncam u darkniecie.
Pa danych śledstva, Kipf pradavaŭ źviestki mižnarodnym pakupnikam, u pryvatnaści ludziam z Ałžyra, Rasii i Ukrainy.
Na sudzie jon pryznaŭ svaju vinu, adznačyŭšy, što ździejśniŭ złačynstva častkova dla taho, kab paźbiehnuć vypłaty alimientaŭ svajoj byłoj žoncy, jakoj vinien bolš za 100 tysiač dalaraŭ.
«Hetaja schiema była cyničnaj i razburalnaj, častkova zasnavanaj na niedaravalnaj mety: paźbiehnuć abaviazacielstvaŭ pa vypłacie alimientaŭ», — zajaviŭ prakuror Uschodniaj akruhi Kientuki Karłtan S. Šyjer IV.
Kipf byŭ prysudžany da siami hadoŭ pazbaŭleńnia voli za kampjuternaje machlarstva i kradziež asabistych danych.
Zhodna z amierykanskim zakanadaŭstvam, jon abaviazany adbyć nie mienš za 85% svajho terminu.
Paśla vyzvaleńnia za im buduć pilna nazirać pravaachoŭnyja orhany jašče ciaham troch hadoŭ.
Ahulny pamier škody, jaki złačyniec nanios dziaržaŭnym i karparatyŭnym kampjutarnym sistemam razam ź niavypłačanymi alimientami, aceńvajecca prykładna ŭ 196 000 dalaraŭ.
Ciapier čytajuć
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany8
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary