Telegram vystupiŭ z aficyjnaj zajavaj nakont zatrymańnia Durava
«Absurdna śćviardžać, što płatforma abo jaje ŭłaśnik niasuć adkaznaść za złoŭžyvańni na hetaj płatformie».
Voś jaho poŭny tekst:
«Telegram vykonvaje zakony ES, uklučajučy Zakon ab ličbavych pasłuhach — jaho maderacyja adpaviadaje halinovym standartam i pastajanna ŭdaskanalvajecca.
Hienieralnamu dyrektaru Telegram Paŭłu Duravu niama čaho chavać, i jon časta padarožničaje pa Jeŭropie. Absurdna śćviardžać, što płatforma abo jaje ŭłaśnik niasuć adkaznaść za złoŭžyvańni na hetaj płatformie.
Amal miljard karystalnikaŭ pa ŭsim śviecie vykarystoŭvajuć Telegram jak srodak znosin i krynicu važnaj infarmacyi.
My čakajem skarejšaha vyrašeńnia hetaj situacyi. Telegram zastajecca z usimi vami».
Nahadajem, 24 žniŭnia ŭ Francyi zatrymali stvaralnika Telegram Paŭła Durava, kali toj prylacieŭ u Paryž z Azierbajdžana na svaim pryvatnym samalocie.
Jak tłumačać francuzskija miedyja, pryčyna zatrymańnia ŭ tym, što Duraŭ nie supracoŭničaŭ z pravaachoŭnymi orhanami Francyi pry rasśledavańni złačynstvaŭ, źviazanych z vykarystańniem Telegram, a ŭ samim mesendžary niama maderacyi. Heta ŭ vačach francuzskich pravaachoŭnikaŭ robić miljardera saŭdzielnikam teraryzmu, handlu narkotykami, złačynstvaŭ, źviazanych ź piedafilijaj, i machlarstva.
Prapahanda rasčachliła Pratasieviča: toj prakamientavaŭ aryšt Durava, jakoha taksama zatrymali ŭ aeraporcie
Pa francuzskim pašparcie Duraŭ — Paul Du Rove. Raniej jon raskazvaŭ pra hetu historyju jak pra pieršakrasavicki žart
«Pryviet, heta Pavieł Duraŭ. Skiń zorki na advakata». Aryšt Durava sparadziŭ vielizarnuju kolkaść miemaŭ
Jak chto adreahavaŭ na aryšt Durava?
U Francyi zatrymali stvaralnika Telehrama Paŭła Durava. Jamu buduć vystaŭlenyja ciažkija abvinavačvańni
Kamientary