Makron prapanoŭvaŭ Duravu pieranieści štab-kvateru Telegram u Paryž, a śpiecsłužby Francyi łamali ajfon zasnavalnika miesiendžara
U 2018 hodzie prezident Francyi Emanuel Makron prapanoŭvaŭ Paŭłu Duravu pieranieści štab-kvateru Telegram u Paryž, piša The Wall Street Journal sa spasyłkaj na krynicy. Duraŭ adkazaŭ admovaj.
Duraŭ i Makron sustrakalisia za abiedam, padčas jakoha prezident Francyi abmiarkoŭvaŭ pytańnie nadańnia biznesmienu francuzskaha hramadzianstva, piša «Mieduza» sa spasyłkaju na WSJ.
Za hod da hetaj sustrečy z Makronam francuzskija śpiecsłužby praviali sumiesnuju apieracyju sa śpiecsłužbami AAE, u ramkach jakoj byŭ uzłamany ajfon Durava.
Pa słovach krynic, padstavaj dla apieracyi pad nazvaj «Purpurnaja muzyka» stała zaniepakojenaść francuzskich śpiecsłužbaŭ tym, što Isłamskaja dziaržava vykarystoŭvaje miesiendžar dla viarboŭki bajevikoŭ i płanavańnia napadaŭ.
Pa słovach krynicy, blizkaj da Durava, Telegram na praciahu mnohich hadoŭ ihnaravaŭ pozvy i sudovyja pastanovy pravaachoŭnych orhanaŭ, jakija prychodzili na poštu, i patrabavali ŭzajemadziejańnia z uładami ŭ halinie spynieńnia raspaŭsiudžvańnia niezakonnaha kantentu na płatformie.
Jak adznačaje WSJ, niama nijakich ukazańniaŭ na toje, što sustreča z Makronam abo ŭzłom telefona Durava adyhrali rolu ŭ jahonym zatrymańni, adnak hetyja detali «pralivajuć śviatło» na jaho adnosiny z Francyjaj i AAE.
Paźniej Duraŭ atrymaŭ hramadzianstva hetych krain.
Paŭła Durava zatrymali ŭ aeraporcie Paryža ŭviečary 24 žniŭnia. Prakuratura Paryža 26 žniŭnia apublikavała pres-reliz, ź jakoha vynikała, što Duraŭ zatrymany ŭ ramkach kryminalnaha rasśledavańnia pa 12 składach złačynstva. Abvinavačańni tyčylisia ŭ tym liku admovy pradstavić infarmacyju pa zapytach upaŭnavažanych orhanaŭ, a taksama saŭdzieł u raspaŭsiudžvańni parnahrafii i narkotykaŭ i chakierskich prahram. Pry hetym status samoha Durava ŭ spravie nieviadomy.
Ciapier čytajuć
«U takuju ž haleču, dy jašče i chałodnuju, pakistancy nie pajeduć». Biełarus piać tydniaŭ pravioŭ u Pakistanie — voś što jaho ŭraziła27
Kamientary
-Bulby
-Suvojeŭ
-Złačynstvaŭ