Da kanca 2024 hoda na vuł. Kursanta Hvišyjani płanujuć źnieści daŭhabud, a terytoryju pryvieści ŭ naležny stan. Pra heta raskazała staršynia kamiteta budaŭnictva i inviestycyj Minharvykankama Iryna Hantarava, paviedamlaje «Minsk-Naviny».
Na vulicy Kursanta Hvišyjani, 5, užo daŭno pavinien byŭ źjavicca bujny handlovy centr. Jaho ŭzvodziŭ «Trajpł», ale ŭ kampanii pačalisia prablemy, i abjekt pieratvaryŭsia ŭ daŭhabud.
— Zamoŭcam budaŭnictva vystupała kampanija «Trajpł». Mierkavałasia, što na hetaj terytoryi źjavicca handlovy centr, adnak kampanija nie vykanała svaju zadaču. Siońnia zakazčyk pa hetaj placoŭcy — UKB Zavodskaha rajona. Raspracoŭvajecca prajektnaja dakumientacyja. Płanujem, što ŭ vieraśni skončym raspracoŭku prajekta, atrymajem zaklučeńnie ekśpiertyzy i ŭžo ŭ 2024-m prystupim da znosu hetaha abjekta. Terytoryju pryviadziem u naležny stan. Hety daŭhabud budzie likvidavany, — raspaviała Hantarava.
Handlovy centr na vulicy Kursanta Hvišyjani pačali budavać jašče ŭ minułym dziesiacihodździ, adnak paśla bankructva kampanii «Trajpł» jon stajaŭ zakansiervavanym.
Ciapier čytajuć
Babaryka: Kali b my pieramahli — vajny va Ukrainie nie było b20
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»55
Kamientary
I nie padmanvajciesia, apazycyjnyja ŭrbanisty-planaviki, kab pierahryźli ŭładnych i pasieli ŭva ŭładnyja fateli ŭ centrabudzie, tak toje samaje rabićmuć