Mužčyna na Novy hod zabiŭ ajčyma małatkom i zhvałciŭ niepaŭnaletniuju
Žorstkaje zabojstva žychar Słaŭharadskaha rajona ździejśniŭ 1 studzienia, ciapier jaho sudzili.
1 studzienia mužčyna sustrakaŭ u kvatery maci. U niejki momant jon pasvaryŭsia z ajčymam i nanios jamu 22 udary małatkom pa hałavie i inšych častkach cieła. Paciarpieły pamior ad niepranikalnaj čerapna-mazhavoj traŭmy, jakaja ŭskładniłasia aciokam i zdušvańniem hałaŭnoha mozhu.
Mužčynu taksama pastavili ŭ vinu zhvałtavańnie i dziejańni seksualnaha charaktaru ŭ dačynieńni da zaviedama niepaŭnaletniaj. Abstaviny hetaha złačynstva prakuratura nie raskryvaje.
Na sudzie abvinavačany nie pryznaŭ siabie vinavatym u dziejańniach seksualnaha charaktaru i zhvałtavańni. Pa fakcie zabojstva ajčyma vinu pryznaŭ častkova.
Jon pryznaŭ, što źbiŭ ajčyma małatkom, z-za čaho toj moh pamierci. Adnak admaŭlaŭ, što chacieŭ zabić i pryčynić tamu pakuty. Akramia taho, mužčyna zajaviŭ, što nie ŭsie traŭmy, jakija znajšli ŭ zahinułaha, nanios mienavita jon.
Sud pryznaŭ mužčynu vinavatym u zabojstvie z asablivaj žorstkaściu, zhvałtavańni zaviedama niepaŭnaletniaj i hvałtoŭnych dziejańniach seksualnaha charaktaru ŭ adras zaviedama niepaŭnaletniaj.
Abvinavačanamu pahražała pažyćciovaje ci navat śmiarotnaje pakarańnie, adnak sud abmiežavaŭsia pakarańniem u vyhladzie pazbaŭleńnia voli na termin 22 hady ŭ kałonii ŭzmocnienaha režymu.
Baki jašče mohuć padać apielacyju na prysud.
-
Spravu biełarusa, jakoha vinavaciać u dyviersii na BAMie, budzie razhladać vajskovy sud u Čycie. Jamu pahražaje pažyćciovaje
-
Lubimaja hazieta Pucina apublikavała artykuł pra płan napadu ES na Rasiju ŭ 2027 hodzie. Ekśpiertam vystupiŭ były kiraŭnik BT
-
Pravaabaroncy pryznali palitviaźniami 20 čałaviek
Kamientary