Hruzapatok praź Biełaruś źniziŭsia jašče na 30% u paraŭnańni ź minułym hodam z-za sankcyjnych abmiežavańniaŭ i zakryćcia punktaŭ propusku na miažy, paviedamiŭ na pres-kanfierencyi namieśnik kiraŭnika Mytnaha kamiteta Eduard Daniłovič, piša «Sputnik».
«Situacyja na miažy pa-raniejšamu zastajecca składanaj na zachodnich rubiažach. U pieršuju čarhu heta źviazana, viadoma ž, z sankcyjnym ciskam Zachadu», — adznačyŭ namieśnik staršyni DMK.
Jon taksama nahadaŭ, što z 26 raniej dziejučych punktaŭ propusku ŭ sapraŭdny momant pracujuć tolki piać: dva na litoŭskim napramku, dva — na polskim i adzin — na miažy Biełarusi z Łatvijaj.
«Sioleta ź inicyjatyvy litoŭskaha boku jašče dva punkty propusku byli zakrytyja, tamu piać u nas ciapier zastajucca dziejnymi», — dadaŭ Daniłovič.
Taksama na pracu hruzapieravozčykaŭ upłyvaje zabarona na pierasiačeńnie miažy i ruch pa terytoryi zachodnich krain.
«Usio heta, viadoma, zrazumiełym čynam adbivajecca na hruzapatokach, jakija iduć praz terytoryju Biełarusi. U paraŭnańni ź minułym hodam hety hruzapatok jašče na 30% źniziŭsia», — adznačyŭ Daniłovič.
Pavodle jaho słoŭ, pierad DMK pastaŭlena niaprostaja zadača dapamahać biełaruskim subjektam haspadarańnia vychodzić ź situacyi, jakaja skłałasia.
Palitviazień pravioŭ paŭtara hoda ŭ SIZA — voś jak jon vyhladaŭ paśla hetaha11
Kamientary