Seksualny skandał vakoł byłoha karala chip-chopu P. Diddy

54-hadovy Šon Džon Kombs, viadomy pad takimi sceničnymi psieŭdanimami, jak Puff Daddy, P. Diddy, Diddy, źjaŭlajecca nie tolki vykanaŭcam i aŭtaram piesień, ale i muzyčnym pradziusaram. Svaju karjeru jon pačaŭ u 1990-ch hadach i prasłaviŭsia jak trochrazovy łaŭreat premii «Hremi». Jak samy paśpiachovy rep-pradziusar Kobs byŭ uniesieny ŭ Knihu rekordaŭ Hinesa. U 2022 hodzie Forbes acaniŭ jaho majomaść u adzin miljard dalaraŭ.

U minuły paniadziełak, 16 vieraśnia, Kombs byŭ zatrymany pa abvinavačańni ŭ handli ludźmi z metaj seksualnaj ekspłuatacyi i vymahalnictvie.

Jak piša The Washington Post, u abvinavaŭčym zaklučeńni havorycca ab tym, što repier vykarystoŭvaŭ svoj ład žyćcia i biznes-impieryju, kab arhanizavać šyrokamaštabnuju złačynnuju sietku. U złačynnuju dziejnaść byli ŭciahnuty asabistyja pamočniki i piersanał Kombsa.

Saŭdzielniki dapamahali svajmu patronu abražać, pahražać i prymušać žančyn i inšych ludziej «zadavalniać jaho seksualnyja žadańni, abaraniać jaho reputacyju i chavać jaho pavodziny».

Złačynstvy, u ździajśnieńni i ŭtojvańni jakich abvinavačvajucca Kombs i jaho saŭdzielniki, uklučajuć handal ludźmi z metaj seksualnaj ekspłuatacyi, raspaŭsiudžvańnie narkotykaŭ i vykradańni ludziej. Mnohija z hetych mierkavanych złačynstvaŭ adbylisia na nielehalnych seks-viečarynkach.

Pavodle abvinavaŭčaha zaklučeńnia, jaho saŭdzielniki nibyta braniravali haściničnyja numary, najmali seks-rabotnikaŭ mužčynskaha połu i raspaŭsiudžvali narkotyki, u tym liku kakain, mietamfietamin i aksikadon, kab prymušać udzielnikaŭ viečarynak da seksu.

Viečarynki ŭ abvinavaŭčym zaklučeńni nazyvajucca «składanymi seksualnymi pierformansami», jakija mahli praciahvacca tak doŭha, što niekatorym patrabavalisia kropielnicy dla adnaŭleńnia paśla intensiŭnaha ŭžyvańnia narkotykaŭ i fizičnych nahruzak. Śćviardžajecca, što videazapisy z hetych viečarynak Kombs vykarystoŭvaŭ dla manipulacyj i šantažu ŭdzielnikaŭ.

Jak piša Le Monde, prablemy dla Kombsa pačalisia ŭ listapadzie 2023 hoda. Z toj pary na jaho padali dzieviać iskaŭ. U adnym ź ich jaho byłaja partniorka Kesi Vientura abvinavaciła mužčynu ŭ «ahresiŭnych» i «devijantnych» pavodzinach na praciahu dziesiacihodździaŭ. Pytańnie ź Vienturaj repier urehulavaŭ mirnym pahadnieńniem.

Pavialičyć

Isk suprać Kombsa padaŭ muzyčny pradziusar Rodni «Lil Rod» Džons. Jon śćviardžaje, što repier nakačaŭ jaho narkotykami i ździejśniŭ seksualnaje nasille, a taksama prymusiŭ zaniacca seksam z prastytutkami.

U pačatku lipienia byłaja pornaaktrysa Adryja Inhliš padała na Kombsa ŭ sud. Žančyna abvinavaciła repiera ŭ tym, što jon vykarystaŭ jaje «jak seksualnuju piešku dla zadavalnieńnia i finansavaj vyhady inšych ludziej» padčas viečarynak u Chemptanie (štat Ńju-Jork) i ŭ Fłarydzie ŭ pieryjad z 2004 pa 2009 hod.

U vieraśni pazoŭ ab seksualnym nasilli suprać Kombsa padała śpiavačka Don Ryčard.

ŚMI paviedamlajuć, što ŭ znakamitych viečarynkach repiera prymała ŭdzieł šmat znakamitaściej. U ich liku zhadvajucca Kim Kardašjan, Meraja Kery, Dženifier Łopes, Perys Chiłtan, Keli Osbarn, Leanarda Dzi Kaprya, Pamieła Andersan i inšyja.

Na fonie skandału z kanca 2023 hoda šmat chto z zorak staŭ dystancyjanavacca ad repiera. A ŭ sacyjalnych sietkach pačalisia razmovy pra inšych mahčymych achviar Kombsa, siarod jakich nazyvajuć Džaścina Bibiera i Ašera.

Ź inšaha boku, jak piša The Washington Post sa spasyłkaj na halinovuju analityčnuju kampaniju Luminate, na stryminhavych płatformach na praciahu tydnia paśla aryštu Kombsa naziraŭsia rost na 18,3% kolkaści prasłuchoŭvańniaŭ jaho muzyki ŭ paraŭnańni z papiarednim tydniem.

Pa pradjaŭlenych abvinavačańniach Kombsu pahražaje pakarańnie ad 15 hadoŭ da pažyćciovaha źniavoleńnia.

• 0
• 0
• 1
• 0
• 3
• 0
• 0
• 0