Forbes apublikavaŭ rejtynh samych vysokaapłatnych znakamitaściaŭ: vyniki dosyć niečakanyja
Forbes apublikavaŭ štohadovy rejtynh samych vysokaapłatnych zorak šou-biznesu i sportu. U 2017 hodzie śpis uznačaliŭ repier Šon Kombs (Diddy).
Diddy zarabiŭ 130 miljonaŭ dalaraŭ, ź jakich 70 miljonaŭ jamu pryniesła linija adzieńnia Sean John. Taksama šmatmiljonnyja prybytki jamu prynieśli rekłamny kantrakt z vytvorcam harełki i kancertny tur.
Druhoje miesca ŭ rejtynhu zaniała Biejonse z hadavym prybytkam u 105 miljonaŭ dalaraŭ, jaki joj prynieśli kancertny tur i albom Lemonade.
Na trecim radku ŭ śpisie samych samych vysokaapłatnych znakamitaściaŭ raźmiaściłasia aŭtar knih pra Hary Potera Džoan Roŭlinh z 95 miljonami dalaraŭ. U piaciorku taksama ŭvajšli repier Drejk (94 miljona dalaraŭ) i futbalist Kryšcijanu Ranałdu (93 miljony dalaraŭ).
Najbolšaje padzieńnie dachodaŭ u paraŭnańni ź letašnim rejtynham adbyłosia, pa dadzienych Forbes, u śpiavački Tejłar Śvift. U rejtynhu 2016 hoda Śvift z prybytkam u 170 miljonaŭ dalaraŭ zajmała pieršaje miesca, a ŭ novym śpisie apynułasia na 49 miescy, zarabiŭšy 44 miljony dalaraŭ. Składalniki rejtynhu tłumačać padzieńnie dachodaŭ śpiavački tym, što za spravazdačny pieryjad u jaje nie było hastrolnaha tura.
Pry składańni rejtynhu samych vysokaapłatnych znakamitaściaŭ u sporcie i šou-biznesie ŭličvalisia dachody, atrymanyja z červienia 2016 hoda pa červień 2017 hoda.
«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary8
Kamientary