Łana vykarystała ŭ dakumiencie svajo aficyjnaje imia Elizabet Vułrydž Hrant.
Pop-zorka i paetka Łana Del Rej pakłała kaniec šmattydniovym čutkam, abviaściŭšy, što vychodzić zamuž u Łuizijanie za svajho bojfrenda, hida pa krakadziłach Džeremi Dziufrena, piša Bi-bi-si.
U paniadziełak para padała zajavu na atrymańnie dazvołu na šlub u akruzie Łafurš na poŭdzień ad Novaha Arleana.
Pop-zorka vykarystała ŭ dakumiencie svajo aficyjnaje imia Elizabet Vułrydž Hrant.
U paviedamleńniach amierykanskich ŚMI havaryłasia, što Del Rej i mister Dziufren nie stali čakać tak doŭha i pažanilisia ŭžo ŭ čaćvier u De-Alemandzie niedaloka ad taho miesca, dzie mister Dziufren pracuje turapierataram na łodkach.
«I viasielnaja cyrymonija, i pryjom byli praviedzieny ŭ tym ža miescy, dzie Džeremi pravodzić svaje tury na bałotnych łodkach», — paviedamiŭ časopis People.
Del Rej publična nie prakamientavała paviedamleńnie pra viasielle.
Para paznajomiłasia jašče ŭ 2019 hodzie, kali śpiavačka apublikavała fatahrafii z adnaho z takich turaŭ i napisała na svajoj staroncy ŭ Facebook: «Džeremi, dazvol mnie być kapitanam u Arthur's Air Boat Tours Ch».
Hetym letam para była zaŭvažanaja razam na fiestyvalach u Redynhu i Lidsie, dzie Del Rej była chedłajnieram, a taksama ŭ Łondanie.
39-hadovaja śpiavačka prasłaviłasia ŭ 2011 hodzie dziakujučy pośpiechu svajho debiutnaha alboma i stvaryła hłamurny i niekalki zahadkavy imidž, vypuściŭšy ŭ ahulnaj składanaści dzieviać albomaŭ.
Jaje apošniaja praca «Ci viedajecie vy, što pad akijanskim bulvaram jość tunel» atrymała ŭ asnoŭnym stanoŭčyja vodhuki i była naminavanaja na premiju «Hremi» jak albom hoda.
U bijahrafii mistera Dziufrena na veb-sajcie Arthur's Air Boat Tours adznačajecca, što jon pracavaŭ na chimičnym zavodzie, pakul nie vyrašyŭ, što heta «nie jaho paklikańnie».
«Paśla niadoŭhich damaŭleńniaŭ siamji jon atrymaŭ licenziju kapitana i pačaŭ arhanizoŭvać ekskursii», — havorycca ŭ paviedamleńni.
«Džeremi — vydatny kapitan, i jamu padabajecca kamunikavać ź dzikaj pryrodaj i klijentami».
Łanie Del Rej — 39 hadoŭ, jaje mužu — 56. Łana niekalki razoŭ była ŭ zaručynach, ale heta jaje pieršy šlub.
Ciapier čytajuć
Ipešnik u Minsku pisaŭ ananimki na kankurentaŭ, u tym liku i palityčnyja. Zafiksavana 18 epizodaŭ2
Kamientary