Vysokapastaŭleny funkcyjanier CHAMAS byŭ zabity ŭ vyniku avijaŭdaru ŭletku.
Armija abarony Izraila abviaściła pra zabojstva Raŭchi Muštachi, jakoha ličyli de-fakta premjer-ministram siektara Haza.
Muštacha byŭ zabity ŭ vyniku izrailskaha avijaŭdaru try miesiacy tamu, razam ź inšymi čynoŭnikami CHAMAS Samiecham al-Siradžam, jaki zajmaŭ pasadu ministra biaśpieki ŭ Palitbiuro, i Sami Adecham, kiraŭnikom «ahulnaha miechanizmu biaśpieki» CHAMAS, piša The Times of Israel.
CACHAŁ śćviardžaje, što Muštacha byŭ pravaj rukoj i adnym z najbližejšych paplečnikaŭ lidara CHAMAS Jachji Sinvara. Jaho nazyvajuć samym vysokapastaŭlenym čalcom Palitbiuro CHAMAS u siektary Haza, adnym z apieratyŭnikaŭ arhanizacyi. Akramia taho, Muštacha ŭznačalvaŭ cyvilnaje kiraŭnictva ŭ siektary Haza.
Pa danych izrailskich vajskoŭcaŭ, funkcyjaniery CHAMAS chavalisia ŭ tuneli na poŭnačy siektara.
Vajskoŭcy apisvajuć tunel jak «umacavanaje i abstalavanaje padziemnaje zbudavańnie», jakoje «słužyła kamandna-kantrolnym centram CHAMAS i dazvalała staršym apieratyŭnikam zastavacca ŭnutry jaho na praciahu doŭhaha času».
CHAMAS nie paćvierdziŭ hibiel vysokapastaŭlenych čynoŭnikaŭ. Armija abarony Izraila śćviardžaje, što CHAMAS chavaje svaje straty, kab nie dapuścić padzieńnia bajavoha duchu.
Vylecieła ŭ nieviadomym kirunku śpikierka KR Anžalika Mielnikava30
Kamientary