U čatach Kalinkavičaŭ raspaŭsiudžvajecca VIDEA, jakoje zafiksavała padzieńnie bieśpiłotnika
Videa supravadžajecca narastajučym šumam bienzinavaha ruchavika «jak u mapieda», piša «Fłahštok». Paśla społach — i haśnie śviatło na vulicy, dzie visić kamiera videanazirańnia, paśla dalataje huk vybuchu.
Hety vybuch pačuli žychary ŭsiaho rajcentra Homielskaj vobłaści i susiednich viosak 3 kastryčnika ŭ 04:54.
Imavierna, upieršyniu adzin z rasijskich bieśpiłotnikaŭ «Hierań», jakija pieryjadyčna źbivajucca z kursu, kali laciać bambić Ukrainu, vybuchnuŭ u nasielenym punkcie Biełarusi ci blizka kala jaho.
Paźniej, 4 kastryčnika, stała viadoma, što KDB zatrymaŭ žančynu, z doma jakoj było źniata hetaje videa. «Žančyna nie tolki mahła pasiejać paniku siarod nasielnictva i dezynfarmavać jaho, ale i zarabiła sabie kryminalnuju adkaznaść,» — paviedamili kanały siłavikoŭ.
Kali vy viedajecie bolš pra toje, što zdaryłasia ŭ Kalinkavičach, pišycie redaktaru «Našaj Nivy» ŭ telehram @nn_editor, na mejł nivanasha@proton.me abo lubomu z supracoŭnikaŭ «NN», jakoha viedajecie asabista.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3838
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii38
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4646
Kamientary