У чатах Калінкавічаў распаўсюджваецца ВІДЭА, якое зафіксавала падзенне беспілотніка
Відэа суправаджаецца нарастаючым шумам бензінавага рухавіка «як у мапеда», піша «Флагшток». Пасля сполах — і гасне святло на вуліцы, дзе вісіць камера відэаназірання, пасля далятае гук выбуху.
Гэты выбух пачулі жыхары ўсяго райцэнтра Гомельскай вобласці і суседніх вёсак 3 кастрычніка ў 04:54.
Імаверна, упершыню адзін з расійскіх беспілотнікаў «Герань», якія перыядычна збіваюцца з курсу, калі ляцяць бамбіць Украіну, выбухнуў у населеным пункце Беларусі ці блізка каля яго.
Пазней, 4 кастрычніка, стала вядома, што КДБ затрымаў жанчыну, з дома якой было знята гэтае відэа. «Жанчына не толькі магла пасеяць паніку сярод насельніцтва і дэзынфармаваць яго, але і зарабіла сабе крымінальную адказнасць,» — паведамілі каналы сілавікоў.
Калі вы ведаеце больш пра тое, што здарылася ў Калінкавічах, пішыце рэдактару «Нашай Нівы» ў тэлеграм @nn_editor, на мэйл [email protected] або любому з супрацоўнікаў «НН», якога ведаеце асабіста.
Прапагандысты заявілі пра разгром сеткі салідарнасці і арышт яе ўдзельнікаў8
Каментары