Azaronak pachvaliŭsia, što heta była jaho ideja pakłaści nacyjanalny ściah pad nohi Pratasieviču
U mai 2023 hoda prapahandyst Ryhor Azaronak paklikaŭ na svoj strym Ramana Pratasieviča. Na parozie studyi tady pakłali bieł-čyrvona-bieły ściah — kab Pratasievič pry vychadzie sa studyi prajšoŭsia pa im (ale jon pierastupiŭ).
«Što heta za dzič? Chto heta prydumaŭ? Heta vaša ideja?» — spytała Sabčak u Azaronka ŭ intervju.
«Heta maja ideja. Heta nacyscki ściah. «Znak biady», katory zaŭždy źjaŭlajecca tam, dzie…»
«Jak vy heta prydumvajecie? Mnie prosta cikava, moža vy niejkija tam, nie viedaju, muchamory ŭ mikradozie…?» — sprabavała pakpić Sabčak.
Watch on TikTok
«Jon u mianie lažaŭ zaŭsiody, Ksienija Anatoljeŭna. Nijakich muchamoraŭ. Ja natchniajusia vašymi prahramami. Ja pahladžu Ksieniju Sabčak, i voś takija idei mnie adrazu prychodziać u hałavu. Mnie chočacca źniščyć vas, razarvać vas, libierałaŭ. (…) Tamu prychodziać voś takija idei», — spakojna adkazaŭ Azaronak.
Pa jaho słovach, paśla pieradačy hety ściah «rytualna» spalili.
Sabčak taksama pacikaviłasia ŭ Azaronka, ci možna žyć u Biełarusi i nie padtrymlivać Łukašenku, być suprać jaho.
«Heta niapravilna — žyć u Biełarusi i nie padtrymlivać našaha prezidenta ciapier. Tamu što prezident achoŭvaje našu krainu ad vialikaj pahrozy vajny. Biełaruś u prycele.
I tyja ludzi, jakija… Razumiejecie, u čym reč. Padtrymlivać aktyŭna ciabie nichto nie prymušaje. Nu siadzi tam, na kuchni ŭ siabie, niešta razmaŭlaj. Ale dzie miaža, kali jon potym voźmie nož i kaho-niebudź zabje, ci pa zadańni SBU, naprykład, uzarvie Ksieniju Sabčak, jakaja pryjechała da nas u hości, jak ahienta «ruskaha śvietu»? Dzie hetaja miaža? Tamu my pracujem z hramadstvam».
Ciapier čytajuć
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj10
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary
Redakcyja tak rabiła tolki dla pramoŭšena svaich TOK-aŭ: z Łukšoj, Astapieniaj i h.d. raniej.
Zaraz navošta?