«Meta Płana — umacavać nie tolki Ukrainu, ale i ŭsio naša jeŭraatłantyčnaje supolnictva. Rasija źvierniecca da dypłamatyi tolki tady, kali ŭbačyć, što nie moža ničoha dasiahnuć siłaj. My pavinny stvaryć adpaviednyja ŭmovy dla zaviaršeńnia hetaj vajny», — zajaviŭ Zialenski na sustrečy ź lidarami Jeŭrapiejskaha savieta ŭ Bruseli, piša Bi-bi-si.
Prezident Ukrainy vyznačyŭ detali piaci punktaŭ svajho płana:
Pieršaje — Aljans. Ukraina — demakratyčnaja dziaržava, jakaja dakazała, što zdolnaja abaraniać Jeŭraatłantyčny rehijon i naš ahulny ład žyćcia. Dziesiacihodździami Rasija karystałasia hieapalityčnaj niapeŭnaściu, vyklikanaj tym, što Ukraina nie ŭvachodziła ŭ NATA. Fakt terminovaha zaprašeńnia Ukrainy ŭ NATA budzie mieć vyrašalnaje značeńnie.
Druhoje — abarona. My pavinny praciahvać akazvać cisk na Rasiju na poli boju. Važna ŭtrymlivać pazicyi na ŭkrainskaj terytoryi i adnačasova pieranosić vajnu na terytoryju Rasii, kab rasijanie adčuli, što takoje vajna, i pačali nienavidzieć Pucina za heta. Heta taksama cisk. U nas jość dakładny śpis uzbrajeńniaŭ, jakija zrobiać heta mahčymym. Kurskaj apieracyjaj my pakazali, što ŭ Pucina nie chapaje sił, kali my akazvajem cisk. Tamu nam treba asnaścić našy bryhady, źniać abmiežavańni, inviestavać u ŭkrainskuju abaronnuju pramysłovuju bazu, naładzić sumiesnuju vytvorčaść i jak maha chutčej nasycić Ukrainu srodkami PPA.
Treciaje — realny cisk. My prapanujem raźmiaścić na ŭkrainskaj ziamli pakiet zachadaŭ strymańnia, kab albo prymusić Rasiju da sapraŭdnych mirnych pieramovaŭ, albo dazvolić źniščyć jaje vajennyja abjekty. Heta i jość padychod «Mir praź siłu». Idzie havorka pra adpaviedny rakietny pakiet.
Čaćviortaje — resursy. Ukraina vałodaje važnymi resursami, košt jakich vyličajecca tryljonami dołaraŭ, i Rasija choča ich zachapić. Heta tytan, uran, lityj, hrafit, marhaniec i mnohaje inšaje. Hetyja resursy nie pavinny trapić u ruki Rasii abo jaje sajuźnikaŭ. Vorahi svabodnaha śvietu nie pavinny atrymać nijakich pieravah u hłabalnaj kankurencyi.
Piataje — padtrymka vajskovych sił. Paśla hetaj vajny Ukraina budzie mieć sotni tysiač sałdat z sučasnym bajavym dośviedam. My prapanujem padtrymać vašu siłu našaj, zamianiŭšy častku amierykanskaha kantynhienta našymi sałdatami ŭ Jeŭropie ci ŭ damoŭlenych miescach, vyzvaliŭšy siły ZŠA dla bolš aktyŭnaj pracy ŭ pryjarytetnych rehijonach, asabliva ŭ Inda-Cichaakijanskim rehijonie. Ale dla hetaha nam patrebna pieramoha.
«Ukraina hatovaja da sapraŭdnaj dypłamatyi. Ale kab dasiahnuć hetaha, my pavinny być mocnymi. Naviazanyja siłaj pieramirji zamiest spraviadlivaha miru nikoli nie zabiaśpiečvali biaśpieki. Nichto nie radujecca, kali vajna viartajecca», — padkreśliŭ prezident Zialenski, źviartajučysia da jeŭrapiejskich lidaraŭ.
Praŭładny kanał: Čamu Pratasieviča ŭziali na pracu, a biełarusaŭ, jakija lehalna stavili podpisy za alternatyŭnych kandydataŭ, nie biaruć?9
Kamientary
Otdielnoje sodieržanije voobŝie skorieje vyhladiat kak junošieskij maksimalizm.
Problema zielenskoho i ukrainy v druhom: zapad nie sobirajetsia viesti s rf vojnu. A vot sdierživať cienoj izmatyvajuŝiej vojny s ukrainoj - da. Poka vsie eto vyhladit kak zadača otbrosiť vojennyj potienciał RF nazad, parallelno usilivaja svoj.
U Ukrainy zadača pobiediť rf, čtoby vyžiť, a nie vojevať biez konca. I miestami ich intieriesy s zapadom sovpadajut, a miestami- sovsiem niet. Častaja ošibka analitikov, čto oni uravnivajut cieli ukrainy i zapada. Oni da, v ciełom napravleny protiv RF, no v dietalach suŝiestvienno otličajutsia.
Zielenskij ja dumaju vsie eto ponimajet. I tožie nie vsiehda iskrienien. Jeho zadača - sochraniť stranu i siebia. Nu a łukavstvo- nie samyj chudšij instrumient dla etoho, kstati